Aqtaýda kompanıa dırektorlary Ázerbaıjanǵa munaıdy zańsyz shyǵarǵany úshin sottaldy, dep habarlaıdy Dalanews.kz.
Aqtaý qalalyq soty Ázerbaıjanǵa pesh otyny retinde kórsetip, munaıdy shekaradan zańsyz ótkizýdi uıymdastyrǵan birneshe kompanıanyń basshylary men qyzmetkerlerin kináli dep tanydy.
Sot úkimine sáıkes, sottalǵandardyń áreketi uıymdasqan toppen jáne birneshe ret jasalǵan kontrabanda retinde saralandy.
Aıyptalýshylarǵa ártúrli merzimge bas bostandyǵynan aıyrý jazasy taǵaıyndalyp, múlikteri tárkilendi. Sondaı-aq memleket paıdasyna 1,4 mlrd teńgeden astam qarajat óndirildi.
