اقتاۋدا كومپانيا ديرەكتورلارى ازەربايجانعا مۇنايدى زاڭسىز شىعارعانى ءۇشىن سوتتالدى، دەپ حابارلايدى Dalanews.kz.
اقتاۋ قالالىق سوتى ازەربايجانعا پەش وتىنى رەتىندە كورسەتىپ، مۇنايدى شەكارادان زاڭسىز وتكىزۋدى ۇيىمداستىرعان بىرنەشە كومپانيانىڭ باسشىلارى مەن قىزمەتكەرلەرىن كىنالى دەپ تانىدى.
سوت ۇكىمىنە سايكەس، سوتتالعانداردىڭ ارەكەتى ۇيىمداسقان توپپەن جانە بىرنەشە رەت جاسالعان كونتراباندا رەتىندە سارالاندى.
ايىپتالۋشىلارعا ءارتۇرلى مەرزىمگە باس بوستاندىعىنان ايىرۋ جازاسى تاعايىندالىپ، مۇلىكتەرى تاركىلەندى. سونداي-اق مەملەكەت پايداسىنا 1،4 ملرد تەڭگەدەن استام قاراجات ءوندىرىلدى.
