Mitingke qatysýshylar Prezidenttiń saiasi reformalar baǵdarlamasyn qoldaityndyqtaryn bildirýde. Transparanttar ustaǵan jastardyń qarasy kóp.
Miting Qazaqstannyń memlekettik ánuranyn oryndaýmen bastaldy.
– Bizdiń baǵytymyz – aiqyn, maqsatymyz – ortaq. Biz – kózi ashyq, kókiregi oiaý azamattardy birlesip jumys isteýge shaqyramyz! Basqa partiialar bilikke jetýdi kózdese, biz eń áýeli Táýelsiz Qazaqstannyń múddesi úshin jumys isteimiz! Ardaqty aǵaiyn, Abai atamyzdan qalǵan amanat sóz bar: «Birińdi qazaq, biriń dos, Kórmeseń istiń bári bos». Sondyqtan, kúshimizdiń birlikte ekenin kórsetip, Jańa Qazaqstandy birge quraiyq! Biz birgemiz! – dedi «AMANAT» partiiasynyń Atqarýshy hatshysy Ashat Oralov.
Mitingte sóz alǵan QR Ulttyq ǵylym akademiiasynyń akademigi Hankeldi Ábjanov elimizdiń saiasi modernizatsiialaýdyń jańa kezeńine aiaq basqanyn alǵa tartty.
– Prezidentimiz Qasym-Jomart Toqaev júzege asyryp jatqan bastamalar men reformalar QR Konstitýtsiiasynda pash etilgen quqyqtyq memleket qurýǵa jol ashatynyna senim mol. Biz saiasi modernizatsiialaýdyń jańa kezeńine aiaq bastyq. AMANAT partiiasynyń dúniege kelgeni osynyń kórinisi. Táýelsizdik – babalarymyzdyń armany ári amanaty. Al jahandaný tusynda arman men amanat aqiqatqa ainalý úshin eldegi yntymaqtan, kelisimnen, kemel únqatysýdan artyq dúnie joq, – dedi Hankeldi Ábjanov.
Al QR Parlamenti Májilisiniń depýtaty Erlan Sairov demokratiianyń mańyzdylyǵyna toqtaldy.
– Qazaqstanda saiasi reformalar ózekti ári mańyzdy. Árbir qazaqstandyq daýys berý jáne sailaný quqyǵyn qoldana alýy tiis. Demokratiiaǵa, pikirler pliýralizmine balama joq. Amanattyqdardyń búgingi sherýi kóp dúnieni baiqatty. Saiasattan habary barlar anyq bilip otyr. Jiktep aitar bolsaq, birinshiden teris ainalǵan halyqtyń raiyn qaitaryp, qatarlaryna qoǵamda pikir qalyptastyratyn avangarttardy tartý. Ótken qaraly qańtarda shyny bar, ótirigi bar (popýlister) partiia qatarynan shyqqandardyń qarasy baiqaldy. Endi partiia qatarynan ketken halyqqa shynai bolysatyndardy qaitarýdy oilastyrýy kerek. Sondai-aq partiia óz qataryn ekijúzdi aramdardan kishkene bolsa da bir tazartyp aldy, qaitip kirgizbeýi kerek, – dedi Erlan Sairov. Sonymen qatar depýatat Memleket basshysy Qasym-Jomart Toqaev óz Joldaýynda Prezident pen ákim-qaralar partiiany basqarmaitynyn, partiia ashý joldarynda jeńildetkenin tilge tiek etti. Iaǵni saiasi arenada basqa da partiialardyń paida bolatyn kúnniń aýyly alys emes ekenin ańǵartty.
– Prezident óz Joldaýynda ideologiialyq dúnielerge basymdyq berdi. Atap aitqanda oblystarǵa oblys qosyp, qala men jańa oblystarǵa tarihi esimder men jer ataýlaryn berýiniń túpkirinde halyqtyń rýhyn kóterý deitin úlken ideologiialar jatyr. Bul kezeisoq dúnie emes. Sońǵy jyldary áleýmettik jeliler men qoǵam arasynda tarihi esimderdi berý jii aityla bastaǵan bolatyn. Osyny eskergen Toqaev halyqtyń daýysy men bilik is-áreketin úilestirip, jańasha iz qaldyra bastady, – dedi Májilis depýtaty sóziniń sońynda.
