Almatyda ata-analar №65 mektep-gımnazıasynyń ashanasyndaǵy sanıtarıalyq jaǵdaıǵa shaǵymdandy. Áleýmettik jelide taraǵan beınejazbada tamaq taratýǵa arnalǵan lıfttiń qoqys jınalatyn orynǵa aınalǵany kórsetilgen. Onyń astynda qoqys pen kógergen ydystardyń jatqany baıqalady, dep habarlaıdy Dalanews.kz

Ata-analar Bostandyq aýdanynyń prokýratýrasyna jáne sanıtarıalyq-epıdemıologıalyq qyzmetke mektepti tamaqpen qamtamasyz etetin jeke kásipkerdiń jumysyn tekserýdi surap, resmı ótinish jasaǵan.

Osyǵan baılanysty Almaty qalasy Bilim basqarmasy túsinikteme berdi. Vedomstvonyń habarlaýynsha, №65 mektep-gımnazıasynyń dırektoryna mektepishilik baqylaýdyń bolmaǵany úshin QR Eńbek kodeksine sáıkes tártiptik jaza qoldanyldy.

– Bul derek aýdandyq sanıtarlyq-epıdemıologıalyq qyzmettiń nazaryna alyndy. Ystyq tamaqpen qamtamasyz etetin kásipkerge qatysty tıisti sharalar qabyldanady, – delingen basqarma habarlamasynda.