الماتىدا اتا-انالار №65 مەكتەپ-گيمنازياسىنىڭ اسحاناسىنداعى سانيتاريالىق جاعدايعا شاعىمداندى. الەۋمەتتىك جەلىدە تاراعان بەينەجازبادا تاماق تاراتۋعا ارنالعان ءليفتتىڭ قوقىس جينالاتىن ورىنعا اينالعانى كورسەتىلگەن. ونىڭ استىندا قوقىس پەن كوگەرگەن ىدىستاردىڭ جاتقانى بايقالادى، دەپ حابارلايدى Dalanews.kz
اتا-انالار بوستاندىق اۋدانىنىڭ پروكۋراتۋراسىنا جانە سانيتاريالىق-ەپيدەميولوگيالىق قىزمەتكە مەكتەپتى تاماقپەن قامتاماسىز ەتەتىن جەكە كاسىپكەردىڭ جۇمىسىن تەكسەرۋدى سۇراپ، رەسمي ءوتىنىش جاساعان.
وسىعان بايلانىستى الماتى قالاسى ءبىلىم باسقارماسى تۇسىنىكتەمە بەردى. ۆەدومستۆونىڭ حابارلاۋىنشا، №65 مەكتەپ-گيمنازياسىنىڭ ديرەكتورىنا مەكتەپىشىلىك باقىلاۋدىڭ بولماعانى ءۇشىن ق ر ەڭبەك كودەكسىنە سايكەس تارتىپتىك جازا قولدانىلدى.
– بۇل دەرەك اۋداندىق سانيتارلىق-ەپيدەميولوگيالىق قىزمەتتىڭ نازارىنا الىندى. ىستىق تاماقپەن قامتاماسىز ەتەتىن كاسىپكەرگە قاتىستى ءتيىستى شارالار قابىلدانادى، – دەلىنگەن باسقارما حابارلاماسىندا.
