Astanada 16 qyrkúiek pen 1 qarasha aralyǵynda «Ýchaske» jedel aldyn alý is-sharasy ótip jatyr, dep habarlady elorda ákimdiginiń resmi saity.
Is-sharaǵa aýdan ákimdikteri, qalalyq Politsiia departamentiniń iývenaldy politsiia bólimi, Bilim basqarmasy jáne elorda ákimdiginiń Áielder isteri jáne demografiialyq saiasat, kámeletke tolmaǵandar isteri jáne olardyń quqyqtaryn qorǵaý jónindegi komissiia ókilderi qatysýda.
Ýchaskelik politsiia inspektorlary ózderi qyzmet kórsetetin obektiniń kriminogendik jaǵdaiyn zerdeleý úshin aýlalardy jáne páterlerdi aralaidy, ishki ister organdarynda esepte turǵan adamdardy olarmen profilaktikalyq áńgimelesý júrgizý úshin tekseredi.
Sonymen qatar qoǵamǵa jat áreketterdi aldyn alý úshin jaldamaly páterler, bazarlar jáne basqa da saýda oryndary, turmysy tómen otbasylar, jastar men kámeletke tolmaǵandar shoǵyrlanatyn jerlerge, naqtyraq aitqanda ortalyq saiabaq, saýda-oiyn saýyq ortalyqtary, kompiýter klýbtary tekserilýde.
Astana ákimdiginiń Áielder isteri jáne otbasylyq-demografiialyq saiasat jónindegi komissiiasynyń hatshysy Qarlyǵash Sárkenovanyń aitýynsha, kámeletke tolmaǵan balalar arasyndaǵy quqyq buzýshylyqtardyń aldyn alý jáne olardyń quqyqtaryn qorǵaý máseleleri komissiianyń erekshe baqylaýynda.
«Jedel aldyn alý is-sharasy Astanadaǵy qaýipsizdikti qamtamasyz etýge, jasóspirimder arasyndaǵy qylmys pen quqyq buzýshylyqty boldyrmaýǵa baǵyttalady. Jasóspirimderdiń ózderimen profilaktikalyq turǵyda áńgime júrgize otyryp, olardy zańǵa baǵynýǵa shaqyramyz. Balalardy qaraýsyz qaldyrǵan ata-analardy da anyqtap, qajet bolǵan jaǵdaida olar ákimshilik jaýapkershilikke tartylady»,- dedi Q.Sárkenova.
Quqyq qorǵaý jáne memlekettik organdar, Astana qalasy ákimdiginiń áielder men otbasylyq-demografiialyq saiasat jónindegi komissiiasynyń múshelerimen birlese otyryp, túngi ýaqytta qala kóshelerinde jáne oiyn-saýyq oryndarynda kámeletke tolmaǵandardy anyqtaý boiynsha reidter ótkizedi.
Eske salsaq, Qazaqstan Respýblikasynyń Ákimshilik quqyq buzýshylyq týraly Kodeksiniń 442-babyna sáikes, 22.00-den 6.00-ge deiin kámeletke tolmaǵandardyń zańdy ókilderiniń qaraýynsyz oiyn-saýyq oryndaryna barýyna tyiym salynǵan, sondai-aq 23.00-den 6.00-ge deiin kámeletke tolmaǵandardyń turǵyn úiden zańdy ókilderiniń erik júrýinsiz shyǵýyna tyiym salynady.
