I. Jansúgirov atyndaǵy Jetisý ýniversitetinde «Áleýmettik jelilerdegi etnosaralyq arandatýshylyq jáne oǵan qalai qarsy turý kerek» taqyrybynda keńeitilgen saraptamalyq otyrys ótti, dep habarlaidy dalanews.kz.
Jiyndy Áleýmettik jumys jáne jastar saiasaty jónindegi prorektor Bolat Seriev júrgizip, jastardyń quqyqtyq mádenieti men mediasaýattylyǵyn arttyrý jáne kiberkeńistiktegi qaýipsizdikti qamtamasyz etýdiń mańyzdylyǵyna toqtaldy.
Saraptamalyq otyrysta «QHA kafedralarynyń «Shańyraq» qaýymdastyǵy» RQB tóraǵasy, L.N. Gýmilev atyndaǵy EUÝ-dyń «Shańyraq» ǵylymi-bilim berý ortalyǵynyń direktory Natalia Kalashnikova, eks-senator, Jýrnalister klýbynyń jetekshisi Alisher Satvaldiev, saiasi ǵylymdar doktory Asem Kaidarova baiandama jasady.
Spikerler áleýmettik jelilerdegi etnosaralyq arandatýshylyqtyń aldyn alý, aqparatty syni turǵydan qabyldaý, aqparattyq saýattylyqqa kóz jetkizý, qoǵamdyq kelisim men etnosaralyq ózara túsinistikti nyǵaitý máselelerine toqtaldy.
Qatysýshylarǵa etnosaralyq qatynastar salasynyń negizgi túsinikteri boiynsha anyqtamalyq materialdar men aqparattyq paraqshalar taratylyp, saýalnama júrgizildi.
