Almatyda ákimdikten jalǵa berilgen páterler tekserilip jatyr, dep habarlaidy dalanews.kz.
Qala ákimdigi málimetinshe, kommýnaldyq turǵyn úi qorynan jalǵa berilgen páterler qalai paidalanylyp jatqany tekserilip jatyr. Jyl basynan beri qalanyń Kommýnaldyq infraqurylymdy damytý basqarmasy men Turǵyn úi inspektsiiasynyń mamandary Naýryzbai, Alataý, Medeý, Túrksib aýdandaryndaǵy 3 125 páterdi teksergen.
Monitoring nátijesinde turǵyn úidi úshinshi tulǵalarǵa zańsyz bergen 172 jaǵdai anyqtalyp, 114-inde páter bosatylǵan. Qalǵan 58 jaǵdaida sotaldy talaptar joldanǵan.
Tekseris kezinde turǵyn úidi jalǵa berý, jaldaý shartynda kórsetilmegen adamdar turýy jáne jaldaý aqysyn tóleý boiynsha mindetti oryndamaý siiaqty zańbuzýshylyqtar anyqtalǵan.
"Jalǵa alýshylar jergilikti atqarýshy organ bergen turǵyn úide jalǵa alýshylardy jáne ýaqytsha turǵyndardy turǵyzýǵa quqyly emes. Bosaǵan páterlerde jóndeý jáne qalpyna keltirý jumystary júrgizilip jatyr. Jumys aiaqtalǵan soń bul úiler jalǵa beriletin baspanaǵa muqtaj retinde esepte turǵan áleýmettik osal sanattaǵy azamattarǵa beriledi", - dep jazylǵan habarlamada.
