الماتىدا ەكٸمدٸكتەن جالعا بەرٸلگەن پەتەرلەر تەكسەرٸلٸپ جاتىر, دەپ حابارلايدى dalanews.kz.
قالا ەكٸمدٸگٸ مەلٸمەتٸنشە, كوممۋنالدىق تۇرعىن ٷي قورىنان جالعا بەرٸلگەن پەتەرلەر قالاي پايدالانىلىپ جاتقانى تەكسەرٸلٸپ جاتىر. جىل باسىنان بەرٸ قالانىڭ كوممۋنالدىق ينفراقۇرىلىمدى دامىتۋ باسقارماسى مەن تۇرعىن ٷي ينسپەكتسيياسىنىڭ ماماندارى ناۋرىزباي, الاتاۋ, مەدەۋ, تٷركسٸب اۋداندارىنداعى 3 125 پەتەردٸ تەكسەرگەن.
مونيتورينگ نەتيجەسٸندە تۇرعىن ٷيدٸ ٷشٸنشٸ تۇلعالارعا زاڭسىز بەرگەن 172 جاعداي انىقتالىپ, 114-ٸندە پەتەر بوساتىلعان. قالعان 58 جاعدايدا سوتالدى تالاپتار جولدانعان.
تەكسەرٸس كەزٸندە تۇرعىن ٷيدٸ جالعا بەرۋ, جالداۋ شارتىندا كٶرسەتٸلمەگەن ادامدار تۇرۋى جەنە جالداۋ اقىسىن تٶلەۋ بويىنشا مٸندەتتٸ ورىنداماۋ سيياقتى زاڭبۇزۋشىلىقتار انىقتالعان.
"جالعا الۋشىلار جەرگٸلٸكتٸ اتقارۋشى ورگان بەرگەن تۇرعىن ٷيدە جالعا الۋشىلاردى جەنە ۋاقىتشا تۇرعىنداردى تۇرعىزۋعا قۇقىلى ەمەس. بوساعان پەتەرلەردە جٶندەۋ جەنە قالپىنا كەلتٸرۋ جۇمىستارى جٷرگٸزٸلٸپ جاتىر. جۇمىس اياقتالعان سوڭ بۇل ٷيلەر جالعا بەرٸلەتٸن باسپاناعا مۇقتاج رەتٸندە ەسەپتە تۇرعان ەلەۋمەتتٸك وسال ساناتتاعى ازاماتتارعا بەرٸلەدٸ", - دەپ جازىلعان حابارلامادا.
