Shyǵys Qazaqstan oblysynda sporttyq aýla klýbtary ligasynyń finaldyq kezeńi ótti. 24–27 qyrkúiek aralyǵynda Óskemen qalasynda mektep oqýshylary arasynda shaǵyn fýtbol men ústel tennisinen oblystyq jarys uiymdastyryldy, dep habarlaidy dalanews.kz.
Jarys Shyǵys Qazaqstan oblysy prokýratýrasynyń bastamasymen jáne oblys ákimdiginiń qoldaýymen ótkizildi.
Joba «Zań men tártip» ideologiiasyn ilgeriletýge, balalar men jasóspirimderdi sportqa tartýǵa jáne olardyń bos ýaqytyn tiimdi uiymdastyrýǵa baǵyttaldy.
Sporttyq aýla klýbtary ligasy Shyǵys Qazaqstan oblysynyń 2026–2027 jyldarǵa arnalǵan jastar saiasatyn iske asyrý strategiiasy aiasynda quryldy. Jazǵy demalys kezeńinde oblystyń qalalary men aýdandarynan kelgen jasóspirimder shaǵyn fýtbol men ústel tennisinen óńirlik jarystarǵa qatysty.
Jazǵy kezeńde jarystarǵa 4,5 myńnan astam bala qamtyldy. Onyń ishinde 3 261 qatysýshy shaǵyn fýtboldan, 1 357 jasóspirim ústel tennisinen baq synady.
Al finaldyq kezeńde oblystyń úzdik komandalary men sportshylary ózara myqtyny anyqtady. Jarysqa barlyǵy 663 mektep oqýshysy qatysty. Onyń 468-i shaǵyn fýtboldan, 195-i ústel tennisinen synǵa tústi.
