Astanada belgisiz bireýler 19 jastaǵy jigit Medetti óltirip, joǵary qabattan laqtyryp jibergen, - dep habarlaidy Dalanews.kz.
TikTok-ta "Za Medeta" atty paraqsha paida bolǵan. Paraqshada marqum jigittiń týystary bul jaitqa qatysty aqparattardy salyp otyrady. 19 jastaǵy jigittiń anasy úndeý jasap, kináli adamdardyń jazalanýyn talap etti.
Onyń sózinshe, ulyn 4 jigit óltirip ketken.
"Tórt jigit meniń balamdy ólitirip, 9-qabattan laqtyryp jibergen. Zań qaida? Eger bulai jalǵasa berse elimizde jastar qalmaidy ǵoi. Meniń tórt balam bar. Balam ishpeitin, shekpeitin, akademiiada oqityn. Meni eshkim tyńdaǵysy kelmeidi. Kináli adamdardyń zań boiynsha jazalanǵanyn qalaimyn", - deidi Medettiń anasy.
Marqum jigittiń Ainabek esimdi dosy ZTB tilshilerine suhbat berip,Medet sportpen ainalysqanyn, eshqashan shegip nemese ishimdik iship kórmegenin aitady.
"Ol dostarymen kezdesip, arasyndaǵy bireýiniń úiinde otyrǵan. Dostary Medetke alkogol usyna bastaǵan, biraq ol bas tartqan", - deidi Ainabek.
Ainabektiń sózinshe, Medetti óltirgender ol bas tartqanyna qaramastan ony ádeii mas qylǵan. Onyń sózinshe, Medet buǵan deiin ishimdik ishpegendikten tez mas bolyp qalǵan kórinedi.
"Jarty saǵattan keiin mas bolyp qalǵan. Qalǵan tórt dosy osyny paidalanyp, onyń atyna nesie alyp tastaǵan. Aqshany alyp, tórteýi ony balkonǵa shyǵaryp, Medetti joǵary qabattan laqtyryp jibergen", - deidi Ainabek.
Bul derekke qatysty Astananyń politsiia departamenti jaýap berdi. Astana politsiiasy 19 jastaǵy jasóspirimniń máiiti tabylǵan soń qylmystyq is qozǵady.
"Oqiǵaǵa qatysýshylar anyqtaldy. Oqiǵanyń mán-jaiyn anyqtaý jumystary júrgizilip jatyr. Tergeý aiasynda taraptardyń, onyń ishinde marqumnyń anasynyń barlyq ýáji men málimdemesi muqiiat tekseriledi", – dep habarlady politsiia.
Bul is Astana politsiia departamenti bastyǵynyń erekshe baqylaýynda.
