Arnaıy jolaqtardy jaýyp tastaıtyn júrgizýshilerge qatań jaýapkershilik engizý qajet, dep málimdedi Májilis depýtaty Oljas Quspekov, dep habarlaıdy Dala News.
Depýtattyń aıtýynsha, eldi mekenderde arnaıy jolaqtar árdaıym ashyq bolýy tıis. Bul tek túsindirýmen shektelmeıtin másele – ınfraqurylym, tártip jáne baqylaý qatar júrýi kerek.
Onyń pikirinshe, mundaı jolaqtarda polısıa baqylaýyn kúsheıtip, tótenshe jaǵdaılardyń aldyn alýǵa jaǵdaı jasaý qajet.
Quspekov arnaıy jolaqty jaýyp qoıǵan júrgizýshilerge qatysty jazany kúsheıtýdi usyndy.
Atap aıtqanda:
- iri aıyppul salý;
- júrgizýshi kýáliginen aıyrý.
Depýtattyń sózinshe, júrgizýshiler bul talaptardy óz qaýipsizdigi úshin saqtaýy tıis.
«Bir ǵana kedergi tótenshe jaǵdaıda adam ómirine qaýip tóndirýi múmkin», – dedi ol.
Sondaı-aq Quspekov bul máseleni tek jekelegen qala nemese turaq tapshylyǵy aıasynda emes, jalpy júıeli problema retinde qarastyrý qajet ekenin atap ótti.
