ارنايى جولاقتاردى جاۋىپ تاستايتىن جۇرگىزۋشىلەرگە قاتاڭ جاۋاپكەرشىلىك ەنگىزۋ قاجەت، دەپ مالىمدەدى ءماجىلىس دەپۋتاتى ولجاس قۇسپەكوۆ، دەپ حابارلايدى Dala News.
دەپۋتاتتىڭ ايتۋىنشا، ەلدى مەكەندەردە ارنايى جولاقتار ءاردايىم اشىق بولۋى ءتيىس. بۇل تەك تۇسىندىرۋمەن شەكتەلمەيتىن ماسەلە – ينفراقۇرىلىم، ءتارتىپ جانە باقىلاۋ قاتار ءجۇرۋى كەرەك.
ونىڭ پىكىرىنشە، مۇنداي جولاقتاردا پوليسيا باقىلاۋىن كۇشەيتىپ، توتەنشە جاعدايلاردىڭ الدىن الۋعا جاعداي جاساۋ قاجەت.
قۇسپەكوۆ ارنايى جولاقتى جاۋىپ قويعان جۇرگىزۋشىلەرگە قاتىستى جازانى كۇشەيتۋدى ۇسىندى.
اتاپ ايتقاندا:
- ءىرى ايىپپۇل سالۋ؛
- جۇرگىزۋشى كۋالىگىنەن ايىرۋ.
دەپۋتاتتىڭ سوزىنشە، جۇرگىزۋشىلەر بۇل تالاپتاردى ءوز قاۋىپسىزدىگى ءۇشىن ساقتاۋى ءتيىس.
«ءبىر عانا كەدەرگى توتەنشە جاعدايدا ادام ومىرىنە ءقاۋىپ ءتوندىرۋى مۇمكىن»، – دەدى ول.
سونداي-اق قۇسپەكوۆ بۇل ماسەلەنى تەك جەكەلەگەن قالا نەمەسە تۇراق تاپشىلىعى اياسىندا ەمەس، جالپى جۇيەلى پروبلەما رەتىندە قاراستىرۋ قاجەت ەكەنىن اتاپ ءوتتى.
