Jıynda Prezıdent: «Arystaǵy tragedıa jergilikti myńdaǵan otbasyn bir sátte baspanasyz qaldyrdy. Áskerıler men quqyq qorǵaý organdary qyzmetkerleriniń shapshańdyǵy men batyldyǵy alǵashqy mınýttarda-aq halyqty evakýasıalaýǵa múmkindik berdi», – dedi.
Marapattalǵandardyń arasynda arystyq turǵyndar da bar. Olar, Arys qalasyndaǵy «Altyn tumar» balabaqshasynyń meńgerýshisi Gaýhar Ýálıhanova – 113 balany evakýasıalaǵan, sondaı-aq, «Lıder» balabaqshasynyń júrgizýshisi Asqar Ábdihalyq – 70 tárbıelenýshini evakýasıalaǵan.
Sonymen qatar, jarylysta eńbek etken áskerıler, polıseıler, eriktiler de II jáne III dárejeli «Aıbyn» ordenimen, «Qurmet» ordenimen, «Erligi úshin» jáne «Jaýyngerlik erligi úshin» medaldarymen, medısına qyzmetkerleri – «Shapaǵat» medalimen marapattaldy. Olardyń qatarynda Túrkistan oblysy Tótenshe jaǵdaılar departamentiniń bastyǵy Nurǵalı Júnisov bar.
«Aqorda» rezıdensıasynda ótken saltanatty marapattaý rásimine jalpy qyryq adam qatysqan. Beıbit kúnniń batyrlary – barsha qazaqstandyqtardyń maqtanyshy.
Túrkistan oblysy ákiminiń baspasóz qyzmeti
