جيىندا پرەزيدەنت: «ارىستاعى تراگەديا جەرگىلىكتى مىڭداعان وتباسىن ءبىر ساتتە باسپاناسىز قالدىردى. اسكەريلەر مەن قۇقىق قورعاۋ ورگاندارى قىزمەتكەرلەرىنىڭ شاپشاڭدىعى مەن باتىلدىعى العاشقى مينۋتتاردا-اق حالىقتى ەۆاكۋاسيالاۋعا مۇمكىندىك بەردى»، – دەدى.
ماراپاتتالعانداردىڭ اراسىندا ارىستىق تۇرعىندار دا بار. ولار، ارىس قالاسىنداعى «التىن تۇمار» بالاباقشاسىنىڭ مەڭگەرۋشىسى گاۋحار ءۋاليحانوۆا – 113 بالانى ەۆاكۋاسيالاعان، سونداي-اق، «ليدەر» بالاباقشاسىنىڭ جۇرگىزۋشىسى اسقار ءابدىحالىق – 70 تاربيەلەنۋشىنى ەۆاكۋاسيالاعان.
سونىمەن قاتار، جارىلىستا ەڭبەك ەتكەن اسكەريلەر، پوليسەيلەر، ەرىكتىلەر دە II جانە III دارەجەلى «ايبىن» وردەنىمەن، «قۇرمەت» وردەنىمەن، «ەرلىگى ءۇشىن» جانە «جاۋىنگەرلىك ەرلىگى ءۇشىن» مەدالدارىمەن، مەديسينا قىزمەتكەرلەرى – «شاپاعات» مەدالىمەن ماراپاتتالدى. ولاردىڭ قاتارىندا تۇركىستان وبلىسى توتەنشە جاعدايلار دەپارتامەنتىنىڭ باستىعى نۇرعالي ءجۇنىسوۆ بار.
«اقوردا» رەزيدەنسياسىندا وتكەن سالتاناتتى ماراپاتتاۋ راسىمىنە جالپى قىرىق ادام قاتىسقان. بەيبىت كۇننىڭ باتىرلارى – بارشا قازاقستاندىقتاردىڭ ماقتانىشى.
تۇركىستان وبلىسى اكىمىنىڭ باسپا ءسوز قىزمەتى
