Jalpy, jeke quramnyń 463 qyzmetkeri men Ishki ister ministrligi bólinisteriniń 53 tehnikasy Arys qalasynan kóshirilgenderge kómek kórsetýde.
Munyń ishinde 193 qyzmetker jáne 23 tehnika azamattyq qorǵaý organdaryna tiesili. Sondai-aq 270 qyzmetker men 30 tehnika politsiia bólinisterinen tartyldy.
Arys qalasyndaǵy qoǵamdyq tártipti qadaǵalaý úshin QR Ultyq ulanynyń áskeri bóliminen 500 jaýynger joldandy.
Osy fakti boiynsha IIM-niń ońtústik óńirlik áskeri-tergeý basqarmasynyń Shymkent bólimi Qylmystyq kodekstiń 462-babynyń 1-bóligi (qarý, sondai-aq basqalarǵa qaýip týdyratyn zattar men nárselerdi saqtaý erejesin buzý) boiynsha qylmystyq is tirkedi.
Barlyq jaǵdai ishki ister organdarynyń qadaǵalaýynda.
Sondai-aq, áleýmettik jelilerde Arys qalasynda balalardyń joǵalýy týraly aqparat taraldy. Bul aqparat tekserilýde. Oqiǵa ornynan kóshirilgenderdiń ornalasqan jerlerin anyqtaý sharalary júrgizilip jatyr.
Ishki ister ministrligi turǵyndardy úreige boi aldyrmaýǵa shaqyrady. Resmi aqparattarǵa ǵana súiený qajettigin eskertedi.
Shymkent qalasynyń Tótenshe jaǵdailar departamentinde «Qaýyrt jeli» ashyldy, onda kez kelgen aqparatty táýlik boiy alýǵa bolady. Qaýyrt jeli nómiri 8 (7252) 44-94-72.
