جالپى، جەكە قۇرامنىڭ 463 قىزمەتكەرى مەن ىشكى ىستەر مينيسترلىگى بولىنىستەرىنىڭ 53 تەحنيكاسى ارىس قالاسىنان كوشىرىلگەندەرگە كومەك كورسەتۋدە.
مۇنىڭ ىشىندە 193 قىزمەتكەر جانە 23 تەحنيكا ازاماتتىق قورعاۋ ورگاندارىنا تيەسىلى. سونداي-اق 270 قىزمەتكەر مەن 30 تەحنيكا پوليسيا بولىنىستەرىنەن تارتىلدى.
ارىس قالاسىنداعى قوعامدىق ءتارتىپتى قاداعالاۋ ءۇشىن ق ر ۇلتىق ۇلانىنىڭ اسكەري بولىمىنەن 500 جاۋىنگەر جولداندى.
وسى فاكتى بويىنشا ءىىم-نىڭ وڭتۇستىك وڭىرلىك اسكەري-تەرگەۋ باسقارماسىنىڭ شىمكەنت ءبولىمى قىلمىستىق كودەكستىڭ 462-بابىنىڭ 1-بولىگى (قارۋ، سونداي-اق باسقالارعا ءقاۋىپ تۋدىراتىن زاتتار مەن نارسەلەردى ساقتاۋ ەرەجەسىن بۇزۋ) بويىنشا قىلمىستىق ءىس تىركەدى.
بارلىق جاعداي ىشكى ىستەر ورگاندارىنىڭ قاداعالاۋىندا.
سونداي-اق، الەۋمەتتىك جەلىلەردە ارىس قالاسىندا بالالاردىڭ جوعالۋى تۋرالى اقپارات تارالدى. بۇل اقپارات تەكسەرىلۋدە. وقيعا ورنىنان كوشىرىلگەندەردىڭ ورنالاسقان جەرلەرىن انىقتاۋ شارالارى جۇرگىزىلىپ جاتىر.
ىشكى ىستەر مينيسترلىگى تۇرعىنداردى ۇرەيگە بوي الدىرماۋعا شاقىرادى. رەسمي اقپاراتتارعا عانا سۇيەنۋ قاجەتتىگىن ەسكەرتەدى.
شىمكەنت قالاسىنىڭ توتەنشە جاعدايلار دەپارتامەنتىندە «قاۋىرت جەلى» اشىلدى، وندا كەز كەلگەن اقپاراتتى تاۋلىك بويى الۋعا بولادى. قاۋىرت جەلى ءنومىرى 8 (7252) 44-94-72.
