Bul týraly Arys qalasynyń ákimi Murat QADYRBEK málimdedi. Onyń aitýynsha qazir Arys qalasy men onyń mańaiyndaǵy 6 aýyldyq okrýgti qosa alǵanda 74 myń halyq turady. Jergilikti ákimdik turǵyndardyń talap-tilegin eskerip qalaǵa kógildir otyn tartýdy qolǵa alǵan. 2016-2017 jyldardyń aralyǵynda osy maqsatqa oblystyq biýdjetten 88 mln. teńge qarajat bólingen.
Aldymen Aqdala men Qojatoǵai aýyldyq okrýgterine gaz jetkiziletin bolady. Aldaǵy 3 jylda Arysqa qarasty aýyldyq okrýgter kómirdiń mashaqatynan qutylyp, kógildir otynnyń qyzyǵyn kórmek.
– Arysty gazdandyrýdy birneshe kezeńge bóldik. Joba tym aýqymdy. Aýqymdy bolǵan saiyn, ony baqylaý da qiynǵa soǵatyny jasyryn emes.
Jobany kezeńge bólý biýdjet aqshasyn ornymen (jiyntyǵy 3,5 mlrd. teńge) jumsaýǵa, endi bir jaǵynan qurylys jumystaryn tezdetip aiaqtaýǵa septigin tigizedi.
Qurylys jumystaryn óz moinyna alǵan úsh merdiger qalany kógildir otynmen qamtýdy kezeń-kezeńimen júrgizetin bolady.
Aldymen Arysty, Ontam jáne Syrdariia aýyldaryn gazǵa qosamyz. Osylaisha 50 myń halyqtyń kógildir otynǵa qoly jetpekshi. Munyń ishinde 12 myń turǵyn-úi bar. Birinshi kezeń boiynsha nysannyń qurylys jumystaryn júrgizýge oblystyq biýdjetten biyl 884 mln teńge. 2019 jylǵa 500 mln teńge, 2020 jylǵa 1581,0 mln. teńge qarjy qaralyp otyr.
Jalpy 2018-2025 jyldary qalaǵa qarasty 26 eldi mekendi tabiǵi gazben qamtamasyz etý josparlap qoidyq. Bul qala halqynyń 99,5 paiyzyn quraidy, – dedi bul oraida Murat Qadyrbek.
Onyń atap ótkenindei kógildir otynnyń baǵasyna qatysty jergilikti ákimdik men gaz tasymaldaýshy mekeme ortaq uiǵarymǵa kelgen.
– Baǵa Tabiǵi monopoliialardy retteý jáne básekelestikti qorǵaý komitetiniń baqylaýynda bolady. Merdigerdiń mindeti – gazdy úi irgesine deiin jetkizip berý. Ári qarai kógildir otyndy úige tartý jumystaryn turǵyndar óz jaýapkershiligine alady.
Munda da asyra silteýshilikke jol berilmeidi. Ortaq baǵa bekitildi. Kógildir otyndy ár úige jekelei qostyrýdyń quny 160-180 teńgeniń tóńireginde bolady.
Gazdyń tarifine qatysty aldaǵy ýaqytta «QazTransGaz» mekemesimen uiǵarymǵa kelemiz. Osynyń aiasynda kógildir otyndy qosar aldynda turǵyndarmen júzdesip, gaz baǵasy qalai esepteletini týraly egjeili-tegjeili málimet beremiz, – deidi qala ákimi.
