Alaida Oiyl aýdanynda birneshe aidan beri ákimniń mindetin atqaryp otyrǵan Shoqan Tileýmaǵanbetov aýyldastaryn qoldaýdyń ornyna jekip tastaǵan. Munymen qoimai halyqty: «naǵyz kerjalqaýsyńdar» dep aiyptapty. Tolassyz jaýǵan jańbyrdyń kesirinen bul aýdanda qyryqqa tarta úi qulap qalǵan eken. Sol kezde kómek surap kelgen turǵyndar ákimniń ashýyn ábden keltirgen siiaqty.
Shoqan Tileýmaǵanbetov, Oiyl aýdany ákiminiń mindetin atqarýshy:
– Halyq endi ábden jaman úirenip ketken jasyratyny joq. Jalqaý bolmasa istemei me úilerin? Aityńyzshy. Árkim óz úiine ie bolý kerek qoi.
Eki sózdiń basyn áreń qurap turǵanymen bul ákim Aqtóbe oblystyń reviziialyq komissiianyń tóraǵasy, óńirdegi yqpaldy sheneýnikterdiń biri Saǵat Eńsegenulynyń týysy. Aýyldastaryna jekip, zildi sóilep turǵany da sondyqtan bolar.
Jalpy, Oiyl aýdanynda bir aptadan beri tolassyz nóser jańbyr men erigen qar sýy qosylyp jurtty ábigerge salyp jatyr. Baspanasyz qalǵandardyń jaǵdaiyn oblys ákiminiń ózi kórip qaitypty. Qazir shańyraqtary ortasyna túsken turǵyndar týystarynyń úiin panalap júr. Sheneýnikter ázirge 37 otbasynyń 18-ne ǵana kómek berýge sheshim shyǵarǵan.
Derekkóz: KTK telearnasy
