الايدا ويىل اۋدانىندا بىرنەشە ايدان بەرى اكىمنىڭ مىندەتىن اتقارىپ وتىرعان شوقان تىلەۋماعانبەتوۆ اۋىلداستارىن قولداۋدىڭ ورنىنا جەكىپ تاستاعان. مۇنىمەن قويماي حالىقتى: «ناعىز كەرجالقاۋسىڭدار» دەپ ايىپتاپتى. تولاسسىز جاۋعان جاڭبىردىڭ كەسىرىنەن بۇل اۋداندا قىرىققا تارتا ءۇي قۇلاپ قالعان ەكەن. سول كەزدە كومەك سۇراپ كەلگەن تۇرعىندار اكىمنىڭ اشۋىن ابدەن كەلتىرگەن سياقتى.
شوقان تىلەۋماعانبەتوۆ، ويىل اۋدانى اكىمىنىڭ مىندەتىن اتقارۋشى:
– حالىق ەندى ابدەن جامان ۇيرەنىپ كەتكەن جاسىراتىنى جوق. جالقاۋ بولماسا ىستەمەي مە ۇيلەرىن؟ ايتىڭىزشى. اركىم ءوز ۇيىنە يە بولۋ كەرەك قوي.
ەكى ءسوزدىڭ باسىن ارەڭ قۇراپ تۇرعانىمەن بۇل اكىم اقتوبە وبلىستىڭ ريەۆيزيالىق كوميسسيانىڭ ءتوراعاسى، وڭىردەگى ىقپالدى شەنەۋنىكتەردىڭ ءبىرى ساعات ەڭسەگەن ۇلىنىڭ تۋىسى. اۋىلداستارىنا جەكىپ، ءزىلدى سويلەپ تۇرعانى دا سوندىقتان بولار.
جالپى، ويىل اۋدانىندا ءبىر اپتادان بەرى تولاسسىز نوسەر جاڭبىر مەن ەرىگەن قار سۋى قوسىلىپ جۇرتتى ابىگەرگە سالىپ جاتىر. باسپاناسىز قالعانداردىڭ جاعدايىن وبلىس اكىمىنىڭ ءوزى كورىپ قايتىپتى. ءقازىر شاڭىراقتارى ورتاسىنا تۇسكەن تۇرعىندار تۋىستارىنىڭ ءۇيىن پانالاپ ءجۇر. شەنەۋنىكتەر ازىرگە 37 وتباسىنىڭ 18-نە عانا كومەك بەرۋگە شەشىم شىعارعان.
دەرەككوز: كتك تەلەارناسى
