8 mamyr kúni Astana – Frankfýrt baǵyty boiynsha ushyp shyqqan Air Astana áýe kompaniiasynyń ushaǵy tehnikalyq aqaýǵa bailanysty Aqtóbe áýejaiyna májbúrli túrde qondy, dep habarlaidy dalanews.kz.
Áýe kemesi elordadan saǵat 08:54-te kóterilip, Aqtóbege 11:34-te qonǵan.
Áýe kompaniiasynyń málimetinshe, ekipaj qaýipsizdik talaptaryna sáikes shuǵyl qoný týraly sheshim qabyldaǵan.
Jolaýshylardy ári qarai jetkizý úshin Almatydan rezervtik ushaq jiberilgen. Onyń Aqtóbeden ushý ýaqyty 14:20-ǵa josparlanǵan.
Eske salaiyq, 6 mamyr kúni Shveitsariia ushaǵy Qazaqstan ústinde dabyl belgisin berip, Almatyǵa shuǵyl qonǵan bolatyn. Aldyn ala málimet boiynsha, ushaqtaǵy ekinshi pilottyń densaýlyǵy aiaq astynan syr bergen. Onyń ishi qatty aýyryp, jaǵdaiy nasharlaǵannan keiin ekipaj dabyl belgisin bergen.
