Erkin formatta uıymdastyrylǵan sharaǵa kásipkerler, eriktiler, mádenıet jáne sport ókilderi, memlekettik organdardyń, komýnaldyq mekemelerdiń basshylary qatysty.
Kezdesý barysynda óńirlik İsker áıelder keńesiniń tóraıymy Sáýle Salıhova, oblystyq basketbol federasıasynyń prezıdenti Samson Arakelán jáne IT-kásipker, «Smart-Aqtaý» jobasynyń avtory Sergeı Shmateev prezentasıa jasady.
Bastamashyl toptyń jobalary qalanyń qoǵamdyq keńistigin damytýǵa,
sáýlettik kelbetin jaqsartý jáne turǵyndar úshin jaıly orta qurýǵa arnalǵan. Prezentasıa aıaqtalǵannan keıin jıynǵa qatysýshylar atalǵan jobalardy talqylady.
Óńir basshysy óz kezeginde jaýapty tulǵalarǵa birqatar tapsyrmalar berdi.
– Kez kelgen jobany aıaǵyna deıin iske asyrý – kóp eńbekti qajet etetin proses. Alaıda, barlyq kedergilerge qaramastan, biz osy baǵytta júrýimiz kerek. Jergilikti atqarýshy organdar barlyq usynystarǵa ashyq, al qala turǵyndary qalanyń qoǵamdyq keńistigin damytýǵa, abattandyrýǵa belsene atsalysýy tıis, – dep atap ótti Nurlan Noǵaev.
