ەركىن فورماتتا ۇيىمداستىرىلعان شاراعا كاسىپكەرلەر، ەرىكتىلەر، مادەنيەت جانە سپورت وكىلدەرى، مەملەكەتتىك ورگانداردىڭ، كوممۋنالدىق مەكەمەلەردىڭ باسشىلارى قاتىستى.
كەزدەسۋ بارىسىندا وڭىرلىك ىسكەر ايەلدەر كەڭەسىنىڭ ءتورايىمى ساۋلە ساليحوۆا، وبلىستىق باسكەتبول فەدەراسياسىنىڭ پرەزيدەنتى سامسون اراكەليان جانە IT-كاسىپكەر، «سمارت-اقتاۋ» جوباسىنىڭ اۆتورى سەرگەي شماتەيەۆ پرەزەنتاسيا جاسادى.
باستاماشىل توپتىڭ جوبالارى قالانىڭ قوعامدىق كەڭىستىگىن دامىتۋعا،
ساۋلەتتىك كەلبەتىن جاقسارتۋ جانە تۇرعىندار ءۇشىن جايلى ورتا قۇرۋعا ارنالعان. پرەزەنتاسيا اياقتالعاننان كەيىن جيىنعا قاتىسۋشىلار اتالعان جوبالاردى تالقىلادى.
ءوڭىر باسشىسى ءوز كەزەگىندە جاۋاپتى تۇلعالارعا ءبىرقاتار تاپسىرمالار بەردى.
– كەز كەلگەن جوبانى اياعىنا دەيىن ىسكە اسىرۋ – كوپ ەڭبەكتى قاجەت ەتەتىن پروسەسس. الايدا، بارلىق كەدەرگىلەرگە قاراماستان، ءبىز وسى باعىتتا ءجۇرۋىمىز كەرەك. جەرگىلىكتى اتقارۋشى ورگاندار بارلىق ۇسىنىستارعا اشىق، ال قالا تۇرعىندارى قالانىڭ قوعامدىق كەڭىستىگىن دامىتۋعا، اباتتاندىرۋعا بەلسەنە اتسالىسۋى ءتيىس، – دەپ اتاپ ءوتتى نۇرلان نوعايەۆ.
