Jýyrda endi Qazaqstan azamattary kólikti jańa ádispen ala alatyny aityldy. Alaida munyń qaýipti tustary bar bolyp shyqty, dep habarlaidy Dalanews.kz.
Depýtat Murat Ábenovtiń málimdemesi
Májilis depýtaty Murat Ábenov osy týrasynda pikir bildirdi.
"Jeke tulǵalarǵa avtolizingke ruqsat berý aitarlyqtai qaýip tóndiredi. Bul - joǵary paiyzben beriletin nesie, saldarynan tutynýshy ári aqshasynan, ári kóliginen aiyrylyp qalýy múmkin", - dedi ol.
Avtolizing qashannan bastap qosylady?
1 jeltoqsannan bastap Qazaqstanda azamattarǵa arnalǵan avtolizing iske qosylady. Bul týraly buǵan deiin Májilis depýtaty Oljas Quspekov málimdedi.
"Kólik satyp alý - kóptegen azamat úshin qiyn másele. Kópshiliktiń qymbat nesie alýǵa nemese jyldar boiy alǵashqy jarna jinaýǵa múmkindigi joq. Bul máseleni biz eki jyl buryn alǵash kóterdik. Búginde ol naqty nátije berdi, Prezident tapsyrmasymen jeke tulǵalarǵa arnalǵan avtolizing mehanizmi iske qosylady", - dedi depýtat.
Lizing degenimiz ne?
Lizing - uzaq merzimdi jaldaý túri, iaǵni adam kólikti 2-5 jyl paidalanady, biraq kóliktiń iesi lizing kompaniiasy bolyp qala beredi.
Merzim aiaqtalǵanda klient kólikti qaitaryp, qalǵan qunymen satyp ala alady nemese jańa kelisimshart rásimdei alady.
