جۋىردا ەندى قازاقستان ازاماتتارى كولىكتى جاڭا ادىسپەن الا الاتىنى ايتىلدى. الايدا مۇنىڭ ءقاۋىپتى تۇستارى بار بولىپ شىقتى، دەپ حابارلايدى Dalanews.kz.
دەپۋتات مۇرات ابەنوۆتىڭ مالىمدەمەسى
ءماجىلىس دەپۋتاتى مۇرات ابەنوۆ وسى تۋراسىندا پىكىر ءبىلدىردى.
"جەكە تۇلعالارعا اۆتوليزينگكە رۇقسات بەرۋ ايتارلىقتاي ءقاۋىپ توندىرەدى. بۇل - جوعارى پايىزبەن بەرىلەتىن نەسيە، سالدارىنان تۇتىنۋشى ءارى اقشاسىنان، ءارى كولىگىنەن ايىرىلىپ قالۋى مۇمكىن"، - دەدى ول.
اۆتوليزينگ قاشاننان باستاپ قوسىلادى؟
1 جەلتوقساننان باستاپ قازاقستاندا ازاماتتارعا ارنالعان اۆتوليزينگ ىسكە قوسىلادى. بۇل تۋرالى بۇعان دەيىن ءماجىلىس دەپۋتاتى ولجاس قۇسپەكوۆ مالىمدەدى.
"كولىك ساتىپ الۋ - كوپتەگەن ازامات ءۇشىن قيىن ماسەلە. كوپشىلىكتىڭ قىمبات نەسيە الۋعا نەمەسە جىلدار بويى العاشقى جارنا جيناۋعا مۇمكىندىگى جوق. بۇل ماسەلەنى ءبىز ەكى جىل بۇرىن العاش كوتەردىك. بۇگىندە ول ناقتى ناتيجە بەردى، پرەزيدەنت تاپسىرماسىمەن جەكە تۇلعالارعا ارنالعان اۆتوليزينگ مەحانيزمى ىسكە قوسىلادى"، - دەدى دەپۋتات.
ليزينگ دەگەنىمىز نە؟
ليزينگ - ۇزاق مەرزىمدى جالداۋ ءتۇرى، ياعني ادام كولىكتى 2-5 جىل پايدالانادى، ءبىراق كولىكتىڭ يەسى ليزينگ كومپانياسى بولىپ قالا بەرەدى.
مەرزىم اياقتالعاندا كليەنت كولىكتى قايتارىپ، قالعان قۇنىمەن ساتىپ الا الادى نەمەسە جاڭا كەلىسىمشارت راسىمدەي الادى.
