2024 jyly 22 jastaǵy Aqnár Hamit Almatydaǵy turǵyn úi kesheniniń jetinshi qabatynan qulap qaitys bolǵan. Marqumnyń anasy Gúlstan Hamit istiń áli ashylmaǵanyna kóńili tolmai otyr, dep habarlaidy Dalanews.kz Nege.kz-ke silteme jasap.
Anasynyń aitýynsha, Aqnárge fizikalyq qysym jasalyp, keiin balkonnan laqtyrylýy múmkin. Astanada ótken brifingte ol qyzynyń ólimine qatysy bar dep kúdiktenetin qyzdardyń áli kúnge deiin bostandyqta júrgenin aitty.
Marqumnyń advokaty Inga Imanbai qylmystyq sipat bar ekenin kórsetetin dálelder jetkilikti ekenin atap ótti. Soǵan qaramastan is Qylmystyq kodekstiń 105-baby «ózin-ózi óltirýge deiin jetkizý» boiynsha tergelip jatyr. Advokat isti qaita saralaýdy talap etedi.
Eske salaiyq, Almatyda 2024 jyly 20 shildede Aqnár Gúlstan kópqabatty turǵyn úidiń jetinshi qabatynan qulap, qaitys bolǵan. Tergeý bul oqiǵany "ózin-ózi óltirý" babymen tirkegen. Alaida jaqyndary Aqnárdiń jetinshi qabattan qulap ketkenine senbeidi. Olardyń sózinshe, marqum qaza tapqanǵa deiin denesinde azaptaý belgileri bolǵan.
Keiinirek marqumnyń anasy Gúlstan Qamit Almaty qalalyq tergeý organdary men prokýratýrasy bul isti jeńil bappen ózine ózi qol jumsaýǵa itermeleý dep baǵalap, shynaiy tergeý júrgizbei otyrǵanyn málimdedi.
Al Almaty qalalyq PD málimetinshe, tergeý basqarmasy byltyr shildede Almaty turǵynynyń ólimine qatysty qylmystyq is qozǵaǵan.
