2024 جىلى 22 جاستاعى ءاقنار حاميت الماتىداعى تۇرعىن ءۇي كەشەنىنىڭ جەتىنشى قاباتىنان قۇلاپ قايتىس بولعان. مارقۇمنىڭ اناسى گۇلستان حاميت ءىستىڭ ءالى اشىلماعانىنا كوڭىلى تولماي وتىر، دەپ حابارلايدى Dalanews.kz Nege.kz-كە سىلتەمە جاساپ.
اناسىنىڭ ايتۋىنشا، اقنارگە فيزيكالىق قىسىم جاسالىپ، كەيىن بالكوننان لاقتىرىلۋى مۇمكىن. استانادا وتكەن بريفينگتە ول قىزىنىڭ ولىمىنە قاتىسى بار دەپ كۇدىكتەنەتىن قىزداردىڭ ءالى كۇنگە دەيىن بوستاندىقتا جۇرگەنىن ايتتى.
مارقۇمنىڭ ادۆوكاتى ينگا يمانباي قىلمىستىق سيپات بار ەكەنىن كورسەتەتىن دالەلدەر جەتكىلىكتى ەكەنىن اتاپ ءوتتى. سوعان قاراماستان ءىس قىلمىستىق كودەكستىڭ 105-بابى «ءوزىن-وزى ولتىرۋگە دەيىن جەتكىزۋ» بويىنشا تەرگەلىپ جاتىر. ادۆوكات ءىستى قايتا سارالاۋدى تالاپ ەتەدى.
ەسكە سالايىق، الماتىدا 2024 جىلى 20 شىلدەدە ءاقنار گۇلستان كوپقاباتتى تۇرعىن ءۇيدىڭ جەتىنشى قاباتىنان قۇلاپ، قايتىس بولعان. تەرگەۋ بۇل وقيعانى "ءوزىن-وزى ءولتىرۋ" بابىمەن تىركەگەن. الايدا جاقىندارى ءاقناردىڭ جەتىنشى قاباتتان قۇلاپ كەتكەنىنە سەنبەيدى. ولاردىڭ سوزىنشە، مارقۇم قازا تاپقانعا دەيىن دەنەسىندە ازاپتاۋ بەلگىلەرى بولعان.
كەيىنىرەك مارقۇمنىڭ اناسى گۇلستان قاميت الماتى قالالىق تەرگەۋ ورگاندارى مەن پروكۋراتۋراسى بۇل ءىستى جەڭىل باپپەن وزىنە ءوزى قول جۇمساۋعا يتەرمەلەۋ دەپ باعالاپ، شىنايى تەرگەۋ جۇرگىزبەي وتىرعانىن مالىمدەدى.
ال الماتى قالالىق پد مالىمەتىنشە، تەرگەۋ باسقارماسى بىلتىر شىلدەدە الماتى تۇرعىنىنىڭ ولىمىنە قاتىستى قىلمىستىق ءىس قوزعاعان.
