Kassatsiialyq sot aqtaýlyq bloger Azamat Sársenbaevqa qatysty «jala jabý» baby boiynsha shyǵarylǵan 20 táýlik ákimshilik qamaý týraly sheshimdi zańsyz dep tanyp, úkimdi joidy, dep habarlaidy Dalanews.kz.
Bul týraly blogerdiń ózi áleýmettik jelide habarlady.
Blogerdiń aitýynsha, sot ádil sheshim qabyldap, birinshi instantsiianyń sheshimin kúshin joidy. Ol advokattaryna alǵys aityp, bul úkimdi prezident jariialaǵan sot reformalarynyń nátijesi dep baǵalady.
Sársenbaevtyń qorǵaýshysy istiń zańsyz qozǵalǵanyn málimdegen. Sebebi, jábirlenýshi tarap retinde memlekettik organ kórsetilgen, al zań boiynsha «jala jabý» tek jeke tulǵaǵa qatysty qoldanylady.
Sot sheshimi kúshine engennen keiin bloger zańsyz ákimshilik qýdalaý úshin moraldyq ótemaqy talap etýdi josparlap otyr.
Eske salaiyq, biyl 28 mamyrda Azamat Sarsenbaev Instagram paraqshasynda antikorrýptsiialyq qyzmet týraly jazba jariialaǵannan keiin 20 táýlikke qamaýǵa alynǵan edi. Post Aqtaýdaǵy doner iesi men kelýshi áiel arasyndaǵy daý týraly bolǵan.
