كاسساسيالىق سوت اقتاۋلىق بلوگەر ازامات سارسەنبايەۆقا قاتىستى «جالا جابۋ» بابى بويىنشا شىعارىلعان 20 تاۋلىك اكىمشىلىك قاماۋ تۋرالى شەشىمدى زاڭسىز دەپ تانىپ، ۇكىمدى جويدى، دەپ حابارلايدى Dalanews.kz.

بۇل تۋرالى بلوگەردىڭ ءوزى الەۋمەتتىك جەلىدە حابارلادى. 

بلوگەردىڭ ايتۋىنشا، سوت ءادىل شەشىم قابىلداپ، ءبىرىنشى ينستانسيانىڭ شەشىمىن كۇشىن جويدى. ول ادۆوكاتتارىنا العىس ايتىپ، بۇل ۇكىمدى پرەزيدەنت جاريالاعان سوت رەفورمالارىنىڭ ناتيجەسى دەپ باعالادى.

سارسەنبايەۆتىڭ قورعاۋشىسى ءىستىڭ زاڭسىز قوزعالعانىن مالىمدەگەن. سەبەبى، جابىرلەنۋشى تاراپ رەتىندە مەملەكەتتىك ورگان كورسەتىلگەن، ال زاڭ بويىنشا «جالا جابۋ» تەك جەكە تۇلعاعا قاتىستى قولدانىلادى.

سوت شەشىمى كۇشىنە ەنگەننەن كەيىن بلوگەر زاڭسىز اكىمشىلىك قۋدالاۋ ءۇشىن مورالدىق وتەماقى تالاپ ەتۋدى جوسپارلاپ وتىر.

ەسكە سالايىق، بيىل 28 مامىردا ازامات سارسەنبايەۆ Instagram پاراقشاسىندا انتيكوررۋپسيالىق قىزمەت تۋرالى جازبا جاريالاعاننان كەيىن 20 تاۋلىككە قاماۋعا الىنعان ەدى. پوست اقتاۋداعى دونەر يەسى مەن كەلۋشى ايەل اراسىنداعى داۋ تۋرالى بولعان.