Atyraý munai óńdeý zaýytynyń burynǵy bas direktory Murat Dosmuratov úiqamaqqa alyndy. Bul týraly "Aq Jaiyq" basylymyna derekkóz málimdegen, dep habarlaidy Dalanews.kz.
Buǵan deiin BAQ Murat Dosmuratovtyń qyzmettik ókiletin asyra paidalanǵany úshin 72 saǵatqa qamaýǵa alynǵanyn habarlaǵan bolatyn. Sheneýniktiń ustalýyna bas direktor Ǵalymjan Jýsanbaev pen onyń orynbasary, bas injener Ádilet Shoshanbasov taiaýda qyzmetinen bosatylǵan Atyraý munai óńdeý zaýytyndaǵy sońǵy oqiǵalarǵa qatysy joq ekeni atap ótilgen.
Eske salaiyq, Qazaqstan Respýblikasy Qarjy monitoringi agenttigi qylmystyq is boiynsha tergeý júrgizilip jatqany týraly málimdeme jasaǵan edi.
"Atyraý munai óńdeý zaýyty" JShS basshylyǵyna qatysty memleketke asa iri kólemde zalal keltirý túrindegi aýyr zardaptarǵa ákep soqqan laýazymdyq ókilettikterin teris paidalanǵany úshin sotqa deiingi tergep-tekserýdi óńirlik prokýratýranyń úilestirýimen Atyraý oblysy boiynsha QMA departamenti bastady", - delingen bolatyn habarlamada.
