اتىراۋ مۇناي وڭدەۋ زاۋىتىنىڭ بۇرىنعى باس ديرەكتورى مۇرات دوسمۇراتوۆ ءۇيقاماققا الىندى. بۇل تۋرالى "اق جايىق" باسىلىمىنا دەرەككوز مالىمدەگەن، دەپ حابارلايدى Dalanews.kz.
بۇعان دەيىن ب ا ق مۇرات دوسمۇراتوۆتىڭ قىزمەتتىك وكىلەتىن اسىرا پايدالانعانى ءۇشىن 72 ساعاتقا قاماۋعا الىنعانىن حابارلاعان بولاتىن. شەنەۋنىكتىڭ ۇستالۋىنا باس ديرەكتور عالىمجان جۋسانبايەۆ پەن ونىڭ ورىنباسارى، باس ينجەنەر ادىلەت شوشانباسوۆ تاياۋدا قىزمەتىنەن بوساتىلعان اتىراۋ مۇناي وڭدەۋ زاۋىتىنداعى سوڭعى وقيعالارعا قاتىسى جوق ەكەنى اتاپ وتىلگەن.
ەسكە سالايىق، قازاقستان رەسپۋبليكاسى قارجى مونيتورينگى اگەنتتىگى قىلمىستىق ءىس بويىنشا تەرگەۋ جۇرگىزىلىپ جاتقانى تۋرالى مالىمدەمە جاساعان ەدى.
"اتىراۋ مۇناي وڭدەۋ زاۋىتى" ج ش س باسشىلىعىنا قاتىستى مەملەكەتكە اسا ءىرى كولەمدە زالال كەلتىرۋ تۇرىندەگى اۋىر زارداپتارعا اكەپ سوققان لاۋازىمدىق وكىلەتتىكتەرىن تەرىس پايدالانعانى ءۇشىن سوتقا دەيىنگى تەرگەپ-تەكسەرۋدى وڭىرلىك پروكۋراتۋرانىڭ ۇيلەستىرۋىمەن اتىراۋ وبلىسى بويىنشا قما دەپارتامەنتى باستادى"، - دەلىنگەن بولاتىن حابارلامادا.
