Onyń aitýynsha, halyqtyń usynys-tilekteriniń negizinde ázirlengen Jol kartasy kezeń-kezeńimen oryndalý ústinde. Búgin ol bilim jáne sport salalaryna qatysty aqparattarǵa toqtaldy.
– Sailaýaldy baǵdarlamada Túrkistan óńirin jan-jaqty damytý kózdelgen bolatyn. Atap aitsaq, jańa jumys oryndaryn ashý, infraqurylym, aýyl sharýashylyǵy, sport, densaýlyq saqtaý, bilim berý, investitsiia tartý, týrizm, kásipkerlik, eldi mekenderdi kórkeitý, sondai-aq Túrkistan qalasyn rýhani-mádeni damytý josparlandy.
Oblys kóleminde 2022 jyldyń 5 aiy boiynsha Jol kartanyń 190 tarmaǵy oryndalyp otyr. Solardyń biri kórshiles Ózbekstan elinen Saryaǵash aýdanyna qaitarylǵan Baǵys aýylynda qurylysy bastalǵan jańa mektepti aita alamyz. Ǵ.Muratbaev atyndaǵy №23 mektep syiymdylyǵy tómen jáne apatty jaǵdaida bolǵandyqtan jańa mektepke muqtajdyq týyndady.
Munan bólek, kúni keshe Túrkistan qalasynda tennis ortalyǵy ashyldy. Bul sharanyń oryndalý ýaqyty 2024 jylǵa josparlanǵan edi. Jol kartanyń «Buqaralyq sportpen ainalysýǵa jaǵdai jasaý» 3.4 tarmaǵyna sáikes josparlanǵan ýaqytynan 2 jyl buryn iske asyryldy. Biýdjet quny 2 mlrd. 215 myń teńgeni quraidy. Nysannyń jalpy aýdany – 5 myń sharshy metr. Bul Jol kartasy aiasynda rýhani shaharda ashylǵan 3-shi sporttyq nysan. Alǵashqysy 7 myń oryndyq «Túrkistan Arena» stadiony bolsa, keiingisi «Olympic center» sport kesheni byltyr qoldanysqa berilgen.
Eske salsaq, 2021 jyly Túrkistan oblysy boiynsha 1597 is-shara josparlanyp, onyń 95%- y oryndalǵan. Óńirde 44 jańa mektep, 1 balabaqsha ashyldy. Sondai-aq Ordabasy aýdany, Tórtkúl eldi mekeninde 150 adamdyq sporttyq-saýyqtyrý kesheni, Qazyǵurt, Sozaq, Saryaǵash aýdandarynyń eldi mekenderinde sport alańshalary da paidalanýǵa berilgen.
