ونىڭ ايتۋىنشا, حالىقتىڭ ۇسىنىس-تٸلەكتەرٸنٸڭ نەگٸزٸندە ەزٸرلەنگەن جول كارتاسى كەزەڭ-كەزەڭٸمەن ورىندالۋ ٷستٸندە. بٷگٸن ول بٸلٸم جەنە سپورت سالالارىنا قاتىستى اقپاراتتارعا توقتالدى.
– سايلاۋالدى باعدارلامادا تٷركٸستان ٶڭٸرٸن جان-جاقتى دامىتۋ كٶزدەلگەن بولاتىن. اتاپ ايتساق, جاڭا جۇمىس ورىندارىن اشۋ, ينفراقۇرىلىم, اۋىل شارۋاشىلىعى, سپورت, دەنساۋلىق ساقتاۋ, بٸلٸم بەرۋ, ينۆەستيتسييا تارتۋ, تۋريزم, كەسٸپكەرلٸك, ەلدٸ مەكەندەردٸ كٶركەيتۋ, سونداي-اق تٷركٸستان قالاسىن رۋحاني-مەدەني دامىتۋ جوسپارلاندى.
وبلىس كٶلەمٸندە 2022 جىلدىڭ 5 ايى بويىنشا جول كارتانىڭ 190 تارماعى ورىندالىپ وتىر. سولاردىڭ بٸرٸ كٶرشٸلەس ٶزبەكستان ەلٸنەن سارىاعاش اۋدانىنا قايتارىلعان باعىس اۋىلىندا قۇرىلىسى باستالعان جاڭا مەكتەپتٸ ايتا الامىز. ع.مۇراتباەۆ اتىنداعى №23 مەكتەپ سىيىمدىلىعى تٶمەن جەنە اپاتتى جاعدايدا بولعاندىقتان جاڭا مەكتەپكە مۇقتاجدىق تۋىندادى.
مۇنان بٶلەك, كٷنٸ كەشە تٷركٸستان قالاسىندا تەننيس ورتالىعى اشىلدى. بۇل شارانىڭ ورىندالۋ ۋاقىتى 2024 جىلعا جوسپارلانعان ەدٸ. جول كارتانىڭ «بۇقارالىق سپورتپەن اينالىسۋعا جاعداي جاساۋ» 3.4 تارماعىنا سەيكەس جوسپارلانعان ۋاقىتىنان 2 جىل بۇرىن ٸسكە اسىرىلدى. بيۋدجەت قۇنى 2 ملرد. 215 مىڭ تەڭگەنٸ قۇرايدى. نىساننىڭ جالپى اۋدانى – 5 مىڭ شارشى مەتر. بۇل جول كارتاسى اياسىندا رۋحاني شاھاردا اشىلعان 3-شٸ سپورتتىق نىسان. العاشقىسى 7 مىڭ ورىندىق «تٷركٸستان ارەنا» ستاديونى بولسا, كەيٸنگٸسٸ «Olympic center» سپورت كەشەنٸ بىلتىر قولدانىسقا بەرٸلگەن.
ەسكە سالساق, 2021 جىلى تٷركٸستان وبلىسى بويىنشا 1597 ٸس-شارا جوسپارلانىپ, ونىڭ 95%- ى ورىندالعان. ٶڭٸردە 44 جاڭا مەكتەپ, 1 بالاباقشا اشىلدى. سونداي-اق ورداباسى اۋدانى, تٶرتكٷل ەلدٸ مەكەنٸندە 150 ادامدىق سپورتتىق-ساۋىقتىرۋ كەشەنٸ, قازىعۇرت, سوزاق, سارىاعاش اۋداندارىنىڭ ەلدٸ مەكەندەرٸندە سپورت الاڭشالارى دا پايدالانۋعا بەرٸلگەن.
