«AMANAT» partiiasy Túlkibasta jaiylym jer jetispeýshiligi máselesin sheshýge kúsh saldy
Qabyldaýǵa jalpy 24 turǵyn kelip, eldi mekendegi sheshimin kútken máselelerdi jetkizdi. Solardyń biri zeinetker S.Súttimbekov aýyl sharýashylyǵyna qatysty suraqtaryna jaýap alyp qaitty.
- Jalpy Mashat eldi mekeninde áleýmettik másele birshama sheshilgen. Gazben jáne aýyz sýmen qamtý, meditsinalyq kómek kórsetý, mektep salý máselesi oń jolǵa qoiylǵan. Degenmen sheshilmegen máseleler de bar. Aýyl halqynyń kúnkórisi mal sharýashylyǵyna bailanysty bolǵandyqtan, jaiylym jer jetispeýshiligi týyndap otyr. Búgin «AMANAT» partiiasynyń bastamasymen ótip jatqan qabyldaýda osy máseleni aittym, - deidi mashattyq ardager.
Aýdandyq aýyl sharýashylyǵy jáne jer qatynastary bólim basshysynyń orynbasary Ý.Botbaev atalǵan máselege qatysty zań aiasynda túsindirme berdi.
- Aýyl okrýgte 1500 gektar kóleminde jer bar. Sonyń 640 gektary turaqty ortaq paidalanýǵa berilgen. Al 470 gektar memorandým arqyly kedergisiz mal jaiýǵa ruqsat berildi. Biraq qaitarylatyn jerler bar. Máselen, biyl jyldyń aiaǵyna deiin 300 gektar jerdi qaitarý josparda bar. Ol boiynsha tiisti jumystar júrgizilýde, - dedi jaýapty bólim ókili.
Jalpy halyqtyń partiiaǵa degen senimi artqan. Oǵan sebep kelip túsken ótinishterdiń oń sheshilýinde dep túsindiredi oblystyq partiia filialy Atqarýshy hatshysynyń orynbasary P.Tursynbaev. Máselen, biyl qańtar-maýsym ailarynda aimaqtyq jáne 17 aýmaqtyq partiia filialynda 9735 ótinish tirkelgen. Onyń 5066-sy ońtaily sheshilse, 4546 shaǵymǵa zań aiasynda keńester men túsindirmeler berilgen. Al qalǵan aryzdar qaralý ústinde.
