Almatyda «Qalqaman» stansasynan «Barlyq» bazaryna deiin sozylatyn jańa metro jelisiniń jobalyq-smetalyq qujattamasyn ázirleý bastaldy. Bul maqsatqa qalalyq biýdjetten 2,96 mlrd teńge bólindi, dep habarlaidy dalanews.kz.
Memlekettik satyp alý portalynda jobalaý jumystaryna arnalǵan konkýrs jariialandy. Áleýetti merdigerlerden ótinim qabyldaý 4-9 maýsym aralyǵynda júrgiziledi.
Joba avanssyz iske asyrylady. Iaǵni merdiger barlyq jumysty óz qarajaty esebinen oryndaýy tiis, al tólem jobalyq-smetalyq qujattama tolyq daiyndalyp, tapsyrylǵannan keiin ǵana júzege asyrylady. Sonymen qatar oryndaýshy úsh jyldyq kepildik berýi qajet.
Jańa metro jelisi Abai dańǵyly boiymen batys baǵytta jalǵasyp, keiin Alataý dańǵylyna burylyp, Raiymbek dańǵylyna deiin jetedi.
Joba aiasynda úsh jańa jerasty stansasyn salý josparlanǵan. Onyń ekeýi Alataý dańǵylynyń boiynda ornalasady. Bir stansa Abai dańǵylynan soltústikke qarai, ekinshisi Tóle bi kóshesine jaqyn mańda salynady. Al sońǵy stansa «Barlyq» bazarynyń aýmaǵynda ornalaspaq.
Qala biliginiń málimetinshe, jańa jeli Almatynyń batys bóligindegi kólik júktemesin azaityp, turǵyndardyń qoǵamdyq kólikke qoljetimdiligin arttyrýǵa múmkindik beredi.
