Ábden tozyǵy jetip, Almatynyń "avtobýs ziratynda" jatqan 573 avtobýs aqyry satyldy. Paidalanýdan áldeqashan shyqqan kólikterdi Qyzylorda oblysynda tirkelgen qurylys kompaniiasy satyp alyp, qala biýdjetine 160 mln teńgeden astam qarjy túsirgen, dep habarlaidy Dalanews.kz.
2021 jyly "Almatyelektrotrans" JShS elektrondy saýda alańyna bul avtobýstardy 93 million teńgege baǵalap qoiǵan edi. Biraq uzaq ýaqyt boiy satyp alýshy shyqpai, kólikter qaraýsyz qalǵandai kúide jatty. Tek biyl, iaǵni 2025 jyldyń 3 maýsymynda ǵana "Arda Qurylys" JShS avtobýstardy bastapqy baǵasynan birshama qymbatqa – 160 mln 332 myń teńgege satyp aldy.
Qyzyǵy sol, qurylys kompaniiasynyń qoǵamdyq kólikterdi ne maqsatpen alǵany túsiniksiz. Saýda shartyna sai, "Arda Qurylys" avtobýstardy eki ai ishinde óz kúshimen alyp ketýi kerek. Olar kólikterdi bólshektep, metall synyǵyna ótkize alady, biraq bul jumysty saqtaý aýmaǵynan tys jerde júrgizýge mindetti.
Saiasi sholýshy Erbol Edilovtiń paiymynsha, Almatynyń shetinde temir-tersekke ainalyp, uzaq jatyp qalǵan bul avtobýstar – eks-ákim Baýyrjan Baibektiń "qala tarihynda qalǵan murasy". Baibek ákim bolǵan kezeńde megapolistiń avtobýs parkin tolyq jańartý naýqany júrip, eski tehnika kóptep esepten shyǵarylǵan bolatyn.
