ەبدەن توزىعى جەتٸپ, الماتىنىڭ "اۆتوبۋس زيراتىندا" جاتقان 573 اۆتوبۋس اقىرى ساتىلدى. پايدالانۋدان ەلدەقاشان شىققان كٶلٸكتەردٸ قىزىلوردا وبلىسىندا تٸركەلگەن قۇرىلىس كومپانيياسى ساتىپ الىپ, قالا بيۋدجەتٸنە 160 ملن تەڭگەدەن استام قارجى تٷسٸرگەن, دەپ حابارلايدى Dalanews.kz.
2021 جىلى "الماتىەلەكتروترانس" جشس ەلەكتروندى ساۋدا الاڭىنا بۇل اۆتوبۋستاردى 93 ميلليون تەڭگەگە باعالاپ قويعان ەدٸ. بٸراق ۇزاق ۋاقىت بويى ساتىپ الۋشى شىقپاي, كٶلٸكتەر قاراۋسىز قالعانداي كٷيدە جاتتى. تەك بيىل, ياعني 2025 جىلدىڭ 3 ماۋسىمىندا عانا "اردا قۇرىلىس" جشس اۆتوبۋستاردى باستاپقى باعاسىنان بٸرشاما قىمباتقا – 160 ملن 332 مىڭ تەڭگەگە ساتىپ الدى.
قىزىعى سول, قۇرىلىس كومپانيياسىنىڭ قوعامدىق كٶلٸكتەردٸ نە ماقساتپەن العانى تٷسٸنٸكسٸز. ساۋدا شارتىنا ساي, "اردا قۇرىلىس" اۆتوبۋستاردى ەكٸ اي ٸشٸندە ٶز كٷشٸمەن الىپ كەتۋٸ كەرەك. ولار كٶلٸكتەردٸ بٶلشەكتەپ, مەتالل سىنىعىنا ٶتكٸزە الادى, بٸراق بۇل جۇمىستى ساقتاۋ اۋماعىنان تىس جەردە جٷرگٸزۋگە مٸندەتتٸ.
ساياسي شولۋشى ەربول ەدٸلوۆتٸڭ پايىمىنشا, الماتىنىڭ شەتٸندە تەمٸر-تەرسەككە اينالىپ, ۇزاق جاتىپ قالعان بۇل اۆتوبۋستار – ەكس-ەكٸم باۋىرجان بايبەكتٸڭ "قالا تاريحىندا قالعان مۇراسى". بايبەك ەكٸم بولعان كەزەڭدە مەگاپوليستٸڭ اۆتوبۋس پاركٸن تولىق جاڭارتۋ ناۋقانى جٷرٸپ, ەسكٸ تەحنيكا كٶپتەپ ەسەپتەن شىعارىلعان بولاتىن.
