Almatyda jastardyń aqparattyq tehnologiialar mamandyǵyn tegin oqytatyn joba qolǵa alyndy
Tehnikalyq joǵary oqý ornynyń 4 kýrs stýdenti Baqytjan Saǵyntaevtan taǵylymdamadan ótý jáne jumysqa ornalasý múmkindigi týraly surady, qala ákimi tegin oqytý baǵdarlamasynyń bastalatyny týraly aitty.
– Ári qaraiǵy qoldaý sharalaryna keletin bolsaq, Siz der kezinde suraq qoidyńyz. Erteńnen, 15 shildeden bastap, biz Home Credit Bank-inde jas AT mamandaryna arnalǵan avtorlyq oqytý jáne taǵylymdamadan ótý baǵdarlamasy negizinde pilottyq jobany bastaimyz, – dedi Baqytjan Saǵyntaev.
Home Credit University birge árbir talantty adamǵa jańa deńgeige kóterilýge múmkindik beriledi. Kýrs aiasynda «Biznes analitika» baǵytynda ORACLE (PL SQL), Power BI derekqorlaryn jáne basqa da suranysqa ie tetikterdi paidalanýǵa bolady.
Testileý kezeńi – aǵymdaǵy jyldyń 15 shildesinen 15 tamyzyna deiin. Oqý formaty – onlain. Baǵdarlamaǵa ekonomikalyq jáne tehnikalyq mamandyqtardyń 3-4 kýrsynyń stýdentteri qatysa alady. Qatysý úshin Biryńǵai kommýnikatsiialyq keńistiktiń (https://ekp.digital-almaty.kz/) saitynda anketa toltyrý kerek; onlain testileýden ótýge jáne oqýdy bastaýǵa bolady.
Kýrstyń ár stýdenti Home Credit University-niń sertifikatyn alady, al emtihandardy úzdik tapsyrǵandar» taǵylymger jáne shtattaǵy qyzmetker retinde «Hoým Kredit Bankiniń» úlken otbasynyń bir múshesi bola alady.
Sondai-aq, aǵymdaǵy jyldyń qyrkúiek aiynan bastap Almaty ákimi resmi túrde Biryńǵai kommýnikatsiialyq keńistikti tolyq ashady, oǵan úzdik ýniversitetter – QBTÝ, SDÝ, KIMEP, ál-Farabi atyndaǵy QazUÝ, ATÝ, Alma Ýniversiteti, Sátbaev Ýniversiteti, MÝIT enedi.
Birneshe jyl ishinde AT talanttaryn tartýǵa arnalǵan ekojúie qurý josparlanýda, bul qala deńgeiinde bilikti jáne beiimdelgen mamandardy tárbieleýge múmkindik beredi. Sonymen qatar, biznestiń tikelei kommýnikatsiiasy jáne bilim berý klasteri esebinen kadrlyq resýrsty arttyrý mindeti sheshiletin bolady.
