Almatyda merzimdi áskeri qyzmetshi kópqabatty turǵyn úilerdiń biriniń úshinshi qabatynan sekirip ketken. Onyń aman qalǵany, qazir aýrýhanada ekeni belgili, dep habarlaidy Dalanews.kz Zakon.kz-ǵa silteme jasap.
QR Ulttyq ulany "Ońtústik" óńirlik qolbasshylyǵynyń baspasóz qyzmeti habarlaǵandai, No5571 áskeri bóliminde boryshyn ótep júrgen sarbaz qatty kúizeliske ushyraǵan.
"2025 jyldyń 4 qazanynda zardap shekken sarbaz Almaty qalalyq jedel járdem aýrýhanasyna jetkizildi. Oǵan qajetti barlyq meditsinalyq shara kórsetilýde. Qyzmet barysynda dárigerler sarbazǵa "ainalaǵa beiimdelý buzylysy" degen diagnoz qoiǵan. Ol áskerge shaqyrylǵanǵa deiin jaqyn týysynan aiyrylǵan jáne odan ary óziniń qyzmet etýge jaramdylyǵyn anyqtaityn áskeri-dárigerlik komissiianyń sheshimin kútip júrgen", - dep habarlady departamentten.
Sondai-aq Ulttyq ulan beinebaqylaý kameralaryna túsken jait oǵan syrttan yqpaldyń bolmaǵanyn rastaitynyn basa atap ótti.
Qyzmettik tergeý bastalyp, mán-jailar anyqtalýda.
Buǵan deiin Qorǵanys ministrligi Almaty oblysynda kóz jumǵan 19 jastaǵy sarbaz Dinmuhammedtiń ólimine qatysty pikir bildirgen bolatyn.
