Almaty qalasynyń prokýratýrasy indýstriialyq aimaqtaǵy 31 investorǵa jer telimderin paidalanǵany úshin negizsiz eseptelgeni salyq tólemderin qaitarǵa kómektesti, dep habarlaidy Dalanews.kz.
"Almaty qalasyndaǵy indýstriialyq aimaqtyń 31 qatysýshysyna (4,5 myń jumys ornyn qurý perspektivasy kózdelgen 188,1 mlrd teńgeniń jobalaryn iske asyratyn) jer telimderin paidalanǵany úshin 103 mln teńge salyq tólemderiniń negizsiz eseptelgeni anyqtaldy. Atap aitqanda, memlekettik kiris organdary Salyq kodeksiniń talaptaryn (709-baptyń 10-tarmaǵy) jáne investorlardyń Indýstriialyq aimaqtyń Basqarýshy kompaniiasymen sharttarynda kórsetilgen talaptardy eskermegen, olarǵa sáikes jer jáne múlik salyǵynyń somasy (onyń ishinde jer ýchaskelerin paidalanǵany úshin tólemder) 100 %-ǵa azaiady", delingen 2025 jylǵy 21 aqpandaǵy prokýratýra habarlamasynda.
Alataý aýdany prokýratýrasynyń qadaǵalaý aktisimen investorlarǵa, negizsiz tólegen aqshalary qaitaryldy.
Investorlardyń quqyqtaryn qorǵaý jónindegi jumys, Almaty qalasynyń prokýratýra organdarynyń erekshe baqylaýynda.
Buǵan deiin saitymyzda "Qańtarda salyq josparǵa sai jinalsa da biýdjet kirisi mardymsyz bolyp tur. Nege?" degen maqala jariialanǵan bolatyn.
