Aqtóbede kenetten kóterilgen daýyl qala turǵyndaryn ábigerge saldy. 21 maýsymda saǵat 13:30 shamasynda óńirde qatty jel soǵyp, nóser jańbyr jaýyp, naizaǵai oinaǵan, dep habarlaidy dalanews.kz.
Qolaisyz aýa raiynyń saldarynan qala kósheleri men turǵyn úi aýlalaryndaǵy birneshe aǵash tamyrymen qoparylyp qulady. Kei jerlerde aǵashtar jol boiynda turǵan kólikter men turǵyn úilerdiń mańyna qulaǵan.
Sonymen qatar Aqtóbeniń birqatar aýdanynda elektr energiiasy ýaqytsha óshken. Qala ákimdiginiń habarlaýynsha, «Qazgidromet» málimeti boiynsha jeldiń jyldamdyǵy sekýndyna 30 metrge deiin jetken.
Osyǵan bailanysty kommýnaldyq qyzmetter kúsheitilgen rejimde jumys istep jatyr. Al áleýmettik jelilerde turǵyndar daýyldyń saldaryn beineleitin foto jáne videolardy bólisýde.
