Ishki ister organdaryn jańǵyrtý jáne tsifrlandyrý jumystary aiasynda politsiia qyzmetkerleri ushqyshsyz ushý apparattaryn qoldanyp úirenip jatyr, dep habarlaidy dalanews.kz.
Osy maqsatta IIM-niń jedel kriminalistikalyq departamenti janynan arnaiy oqý-jattyǵý zerthanasy ashylǵan. Munda tártip saqshylary drondardy basqarý boiynsha teoriialyq jáne praktikalyq daiyndyqtan ótedi. Oqý barysynda mamandandyrylǵan simýliatorlar men kompiýterlik baǵdarlamalar paidalanylady.
IIM jedel kriminalistikalyq departamentiniń bas kriminalisi Rollan Moldybaevtyń aitýynsha, zerthananyń negizgi maqsaty - zamanaýi tehnologiialardy qyzmet barysynda tiimdi qoldana alatyn mamandar daiarlaý.
Drondar politsiia jumysynyń múmkindigin aitarlyqtai keńeitedi. Olar áýe barlaýyn júrgizýge, túngi baqylaý jasaýǵa jáne adamdardy izdeýge kómektesedi.
Sondai-aq, ushqyshsyz apparattar oqiǵa ornyn joǵarydan sholyp, tergeý toby kelgenge deiingi jaǵdaidy tirkeýge múmkindik beredi. Bul mańyzdy aiǵaqtardy saqtaýǵa jáne oqiǵanyń mán-jaiyn naqty anyqtaýǵa kómektesedi.
Drondar taýly aimaqtarda, keń dalada jáne jetýi qiyn jerlerde de qoldanylady. Sonyń arqasynda joǵalǵan adamdardy izdeý jumystary jeńildep, izdeýde júrgenderdi anyqtaý men baqylaý tiimdi bola túsedi.
