الماتى قالاسىنىڭ پروكۋراتۋراسى يندۋستريالىق ايماقتاعى 31 ينۆەستورعا جەر تەلىمدەرىن پايدالانعانى ءۇشىن نەگىزسىز ەسەپتەلگەنى سالىق تولەمدەرىن قايتارعا كومەكتەستى، دەپ حابارلايدى Dalanews.kz.
"الماتى قالاسىنداعى يندۋستريالىق ايماقتىڭ 31 قاتىسۋشىسىنا (4،5 مىڭ جۇمىس ورنىن قۇرۋ پەرسپەكتيۆاسى كوزدەلگەن 188،1 ملرد تەڭگەنىڭ جوبالارىن ىسكە اسىراتىن) جەر تەلىمدەرىن پايدالانعانى ءۇشىن 103 ملن تەڭگە سالىق تولەمدەرىنىڭ نەگىزسىز ەسەپتەلگەنى انىقتالدى. اتاپ ايتقاندا، مەملەكەتتىك كىرىس ورگاندارى سالىق كودەكسىنىڭ تالاپتارىن (709-باپتىڭ 10-تارماعى) جانە ينۆەستورلاردىڭ يندۋستريالىق ايماقتىڭ باسقارۋشى كومپانياسىمەن شارتتارىندا كورسەتىلگەن تالاپتاردى ەسكەرمەگەن، ولارعا سايكەس جەر جانە مۇلىك سالىعىنىڭ سوماسى (ونىڭ ىشىندە جەر ۋچاسكەلەرىن پايدالانعانى ءۇشىن تولەمدەر) 100 %-عا ازايادى"، دەلىنگەن 2025 جىلعى 21 اقپانداعى پروكۋراتۋرا حابارلاماسىندا.
الاتاۋ اۋدانى پروكۋراتۋراسىنىڭ قاداعالاۋ اكتىسىمەن ينۆەستورلارعا، نەگىزسىز تولەگەن اقشالارى قايتارىلدى.
ينۆەستورلاردىڭ قۇقىقتارىن قورعاۋ جونىندەگى جۇمىس، الماتى قالاسىنىڭ پروكۋراتۋرا ورگاندارىنىڭ ەرەكشە باقىلاۋىندا.
بۇعان دەيىن سايتىمىزدا "قاڭتاردا سالىق جوسپارعا ساي جينالسا دا بيۋدجەت كىرىسى ماردىمسىز بولىپ تۇر. نەگە؟" دەگەن ماقالا جاريالانعان بولاتىن.
