2025 jyldyń 2-3 qazanynda Almatyda «Týberkýlezsiz Ortalyq Aziia: ulttyq jetistikterden óńirlik kóshbasshylyqqa» atty halyqaralyq konferentsiia jáne óńirlik parlament sammiti ótti. Is-sharaǵa Shyǵys Eýropa men Ortalyq Aziia elderiniń depýtattary, densaýlyq saqtaý basshylary jáne halyqaralyq uiym ókilderi qatysty, dep habarlaidy Dalanews.kz.
Forým qorytyndysynda 2026-2028 jyldarǵa arnalǵan týberkýlezge qarsy kúresti jedeldetý jónindegi aimaqtyq qarar qabyldandy. QR Densaýlyq saqtaý vitse-ministri Timýr Sultanǵazievtiń aitýynsha, Qazaqstan BUU-nyń týberkýlez boiynsha maqsattaryna merziminen buryn jetti: 2024 jyly aýrýshańdyq 4%-ǵa, ólim-jitim 16,6%-ǵa azaiǵan. Alǵash ret bala ólimi tirkelmedi.
Sonymen qatar naýqastarǵa áleýmettik qoldaý keńeitildi – ambýlatorlyq em alýshylardyń 99%-y memleketten kómek aldy. Qazaqstan ÚEU-ǵa bólinetin qarjyny bir jarym esege arttyrdy.
Sammitte erte diagnostika, innovatsiialyq ádisterge qoljetimdilik, turaqty qarjylandyrý jáne halyqtyń jaýapkershiligin arttyrýdyń mańyzy aityldy. Qatysýshylar aimaqtaǵy birlesken kúsh-jigerdi jalǵastyryp, 2030 jylǵa qarai týberkýlezdi túbegeili joiýǵa kelisti.
