2025 جىلدىڭ 2-3 قازانىندا الماتىدا «تۋبەركۋلەزسٸز ورتالىق ازييا: ۇلتتىق جەتٸستٸكتەردەن ٶڭٸرلٸك كٶشباسشىلىققا» اتتى حالىقارالىق كونفەرەنتسييا جەنە ٶڭٸرلٸك پارلامەنت سامميتٸ ٶتتٸ. ٸس-شاراعا شىعىس ەۋروپا مەن ورتالىق ازييا ەلدەرٸنٸڭ دەپۋتاتتارى, دەنساۋلىق ساقتاۋ باسشىلارى جەنە حالىقارالىق ۇيىم ٶكٸلدەرٸ قاتىستى, دەپ حابارلايدى Dalanews.kz.
فورۋم قورىتىندىسىندا 2026-2028 جىلدارعا ارنالعان تۋبەركۋلەزگە قارسى كٷرەستٸ جەدەلدەتۋ جٶنٸندەگٸ ايماقتىق قارار قابىلداندى. قر دەنساۋلىق ساقتاۋ ۆيتسە-مينيسترٸ تيمۋر سۇلتانعازيەۆتٸڭ ايتۋىنشا, قازاقستان بۇۇ-نىڭ تۋبەركۋلەز بويىنشا ماقساتتارىنا مەرزٸمٸنەن بۇرىن جەتتٸ: 2024 جىلى اۋرۋشاڭدىق 4%-عا, ٶلٸم-جٸتٸم 16,6%-عا ازايعان. العاش رەت بالا ٶلٸمٸ تٸركەلمەدٸ.
سونىمەن قاتار ناۋقاستارعا ەلەۋمەتتٸك قولداۋ كەڭەيتٸلدٸ – امبۋلاتورلىق ەم الۋشىلاردىڭ 99%-ى مەملەكەتتەن كٶمەك الدى. قازاقستان ٷەۇ-عا بٶلٸنەتٸن قارجىنى بٸر جارىم ەسەگە ارتتىردى.
سامميتتە ەرتە دياگنوستيكا, يننوۆاتسييالىق ەدٸستەرگە قولجەتٸمدٸلٸك, تۇراقتى قارجىلاندىرۋ جەنە حالىقتىڭ جاۋاپكەرشٸلٸگٸن ارتتىرۋدىڭ ماڭىزى ايتىلدى. قاتىسۋشىلار ايماقتاعى بٸرلەسكەن كٷش-جٸگەردٸ جالعاستىرىپ, 2030 جىلعا قاراي تۋبەركۋلەزدٸ تٷبەگەيلٸ جويۋعا كەلٸستٸ.
