Májilis depýtattary Eýraziialyq ekonomikalyq odaq pen Birikken Arab Ámirlikteri arasyndaǵy ekonomikalyq áriptestik týraly kelisimdi ratifikatsiialaý jónindegi zań jobasyn maquldap, qujatty Senatqa jiberdi, dep habarlaidy dalanews.kz.
Qosymsha baiandamada aitylǵandai, kelisim 2025 jylǵy 27 maýsymda Minsk qalasynda jasalǵan. Onyń negizgi maqsaty – EAEO elderi men Birikken Arab Ámirlikteri arasyndaǵy saýda-ekonomikalyq bailanystardy damytý jáne qazaqstandyq taýarlardyń Parsy shyǵanaǵy naryǵyna shyǵýyna qolaily jaǵdai qalyptastyrý.
Depýtat Abzal Ábdievtiń málimetinshe, Birikken Arab Ámirlikteri Qazaqstannyń Taiaý Shyǵystaǵy negizgi ekonomikalyq seriktesteriniń biri sanalady. Jańa kelisim taraptar arasyndaǵy saýda, investitsiia jáne ekonomikalyq yntymaqtastyqty keńeitýge quqyqtyq negiz qalyptastyrýy tiis.
Qujat boiynsha Saýda jáne integratsiia ministrligi tolyq túsindirme bergen. Zań jobasy Májilistegi jumys toby men profildik komitetterdiń qaraýynan ótip, oń qorytyndy alǵan.
Depýtattardyń pikirinshe, kelisimdi ratifikatsiialaý qazaqstandyq eksporttaýshylar úshin jańa múmkindikter ashyp, otandyq ónimderdiń Birikken Arab Ámirlikteri naryǵyndaǵy úlesin arttyrýǵa yqpal etýi múmkin.
Májilis zań jobasyn qoldap, ony Parlament Senatynyń qaraýyna jiberý týraly sheshim qabyldady.
