Qyrǵyzstanda Azamat Dyiqanbaevqa qatysty qyzmettik ókilettigin paidalana otyryp jasalǵan alaiaqtyq faktisi boiynsha qylmystyq is qozǵaldy, dep habarlaidy dalanews.kz.
Qadaǵalaý organynyń málimetinshe, Dyiqanbaev Manas aýdandyq ishki ister bóliminiń ýaqytsha ustaý izoliatoryna qamalǵan.
Qazirgi ýaqytta istiń barlyq mán-jaiyn anyqtaýǵa jáne oǵan qatysy bolýy múmkin ózge tulǵalardy belgileýge baǵyttalǵan tergeý amaldary júrgizilip jatyr.
Buǵan deiin Azamat Dyiqanbaevtyń esimi Manas aýdanyndaǵy kásipkerdiń kóligine qatysty oqiǵaǵa bailanysty buqaralyq aqparat quraldary men áleýmettik jelilerde atalǵan bolatyn. Alaida quqyq qorǵaý organdary qazirgi qylmystyq istiń sol oqiǵalarmen bailanysy bar-joǵyna qatysty ázirge resmi túsinikteme bergen joq.
Keibir derekterge sáikes, Azamat Dyiqanbaev – Qyrǵyzstan Ulttyq qaýipsizdik memlekettik komitetiniń burynǵy tóraǵasy Kamchybek Tashievtiń kúieý balasy.
Sondai-aq ol ár jyldary ulttyq qaýipsizdik organdary júiesinde qyzmet atqarǵan.
