Almatynyń ekonomikasy turaqty damyp keledi. 2025 jyldyń qańtar-mamyr ailaryndaǵy qorytyndysy boiynsha qysqa merzimdi ekonomikalyq indikator 109,5 paiyz. Ósý kórsetkishiniń qarqyny barlyq sektorda baiqalady. Bul týraly Almatynyń Ekonomika basqarmasy málimdedi,- dep habarlaidy Dalanews.kz
Ónerkásip óndirisiniń dinamikasy kóńil kónshitedi. Naqty kólem indeksi 114,1%-ǵa jetti. Ásirese óńdeý ónerkásibinde k ósim deńgeii joǵary – 16,2%.
Qurylys sektory joǵary qarqynmen damýda: oryndalǵan jumys kólemi 200,4 mlrd teńgeni qurady, bul 24%-ǵa teń. Barlyǵy 1,1 mln sharshy metrden astam turǵyn úi paidalanýǵa berildi (+12,2%). Sonymen qatar, kóppáterli infraqurylymǵa suranys artty (20%- ǵa ósti).
Saýda salasynda da oń dinamika bar: jalpy ósim 4,4%, sonyń ishinde bólshek saýda – 7,9%, kóterme saýda – 3%.
Kólik pen qoima qyzmeti kólemi 24,4%-ǵa artqany baiqalady. Bul megapolistiń logistikalyq jáne iskerlik belsendiliginiń jandanýyn kórsetedi. Bailanys sektory 3,3%-ǵa turaqtady.
Negizgi kapitalǵa salynǵan investitsiialar kólemi 28,2%-ǵa ósip, 714,4 mlrd teńgege jetti. Salymnyń edáýir bóligi – 557,5 mlrd teńge – jeke investorlar esebinen qamtamasyz etildi. Bul biznestiń qala ekonomikasyna degen senimin rastaidy.
Ainalym men syrtqy saýda ósýde. 2025 jylǵy qańtar-sáýirde syrtqy saýda ainalymynyń kólemi (EAEO elderin eseptemegende) 7,8 mlrd AQSh dollaryn qurady. Eksport 7%-ǵa, import 2,2%-ǵa ósti.
