الماتىنىڭ ەكونوميكاسى تۇراقتى دامىپ كەلەدى. 2025 جىلدىڭ قاڭتار-مامىر ايلارىنداعى قورىتىندىسى بويىنشا قىسقا مەرزىمدى ەكونوميكالىق ينديكاتور 109،5 پايىز. ءوسۋ كورسەتكىشىنىڭ قارقىنى بارلىق سەكتوردا بايقالادى. بۇل تۋرالى الماتىنىڭ ەكونوميكا باسقارماسى مالىمدەدى،- دەپ حابارلايدى Dalanews.kz
ونەركاسىپ ءوندىرىسىنىڭ ديناميكاسى كوڭىل كونشىتەدى. ناقتى كولەم يندەكسى 114،1%-عا جەتتى. اسىرەسە وڭدەۋ ونەركاسىبىندە ك ءوسىم دەڭگەيى جوعارى – 16،2%.
قۇرىلىس سەكتورى جوعارى قارقىنمەن دامۋدا: ورىندالعان جۇمىس كولەمى 200،4 ملرد تەڭگەنى قۇرادى، بۇل 24%-عا تەڭ. بارلىعى 1،1 ملن شارشى مەتردەن استام تۇرعىن ءۇي پايدالانۋعا بەرىلدى (+12،2%). سونىمەن قاتار، كوپپاتەرلى ينفراقۇرىلىمعا سۇرانىس ارتتى (20%- عا ءوستى).
ساۋدا سالاسىندا دا وڭ ديناميكا بار: جالپى ءوسىم 4،4%، سونىڭ ىشىندە بولشەك ساۋدا – 7،9%، كوتەرمە ساۋدا – 3%.
كولىك پەن قويما قىزمەتى كولەمى 24،4%-عا ارتقانى بايقالادى. بۇل مەگاپوليستىڭ لوگيستيكالىق جانە ىسكەرلىك بەلسەندىلىگىنىڭ جاندانۋىن كورسەتەدى. بايلانىس سەكتورى 3،3%-عا تۇراقتادى.
نەگىزگى كاپيتالعا سالىنعان ينۆەستيسيالار كولەمى 28،2%-عا ءوسىپ، 714،4 ملرد تەڭگەگە جەتتى. سالىمنىڭ ەداۋىر بولىگى – 557،5 ملرد تەڭگە – جەكە ينۆەستورلار ەسەبىنەن قامتاماسىز ەتىلدى. بۇل بيزنەستىڭ قالا ەكونوميكاسىنا دەگەن سەنىمىن راستايدى.
اينالىم مەن سىرتقى ساۋدا وسۋدە. 2025 جىلعى قاڭتار-ساۋىردە سىرتقى ساۋدا اينالىمىنىڭ كولەمى (ەاەو ەلدەرىن ەسەپتەمەگەندە) 7،8 ملرد اقش دوللارىن قۇرادى. ەكسپورت 7%-عا، يمپورت 2،2%-عا ءوستى.
