Energetika ministri 2025 jylǵy 29 qańtarda QR aýmaǵyndaǵy avtogaz quiý stantsiialary úshin taýar birjalarynan tys QR ishki naryǵyna suiytylǵan munai gazyn jetkizý jospary sheńberinde suiytylǵan munai gazynyń bólshek saýdada ótkizýdiń shekti baǵalaryn bekitetin buiryqqa qol qoidy. Oǵan sáikes, avtogazdyń 1 litri baǵasynyń ósimi óńirlerge bailanysty 6 teńgeden bastap 20 teńgeni quraidy, dep jazady Dalanews.kz.
Avtomobil otyny úshin paidalanylatyn gazdyń 1 litriniń quny óńirler boiynsha bylai bekitildi:
- Astana - 102 teńge (qazir 82 teńge, demek +20 tg)
- Almaty - 102 teńge (qazir 89 teńge, demek +13tg)
- Aqtóbe, Atyraý oblysy - 77 teńge (qazir 59 teńge, demek +18)
- Aqmola, Almaty oblysy - 102 teńge (qazir tiisinshe 84 teńge, demek, +18 jáne 89 teńge, demek +13)
- Shyǵys Qazaqstan, Qostanai, Qaraǵandy, Jetisý, Ulytaý oblystary jáne Abai oblysy - 102 teńge (qazir 84 teńge, demek +18)
- Jambyl oblysy - 90 teńge (qazir 78 teńge, demek+ 12)
- Batys Qazaqstan oblysy - 77 teńge (qazir 70 teńge, demek,+7)
- Qyzylorda oblysy – 90 teńge (qazir 70 teńge, demek + 20)
- Mańǵystaý oblysy - 65 teńge (qazir 59 teńge, demek +6)
- Pavlodar oblysy - 102 teńge (qazir 81 teńge, demek + 21)
- Soltústik Qazaqstan oblysy - 102 teńge (qazir 89 teńge, demek +13)
- Shymkent qalasy men Túrkistan oblysy - 90 teńge (qazir 70 teńge, demek +20).
Buiryq 2025 jylǵy 1 aqpannan bastap qoldanysqa engiziledi.
Buǵan deiin memlekettik retteý alynyp, janar-jaǵarmai men dizel otynynyń baǵalary erkine jiberilgeni habarlanǵan. Soǵan sáikes, 1 aqpannan bastap osy munai ónim túrleriniń baǵasy jailap qymbattatyla bastaidy. Bastapqyda shamamen 1 litr benzin baǵasy 4-5 teńgege qymbattaidy degen sóz bar. Sondai-aq 1 aqpannan bastap elektr energiiasy tarifteriniń baǵasy da ósedi. Bul arada sońǵy tutynýshy úshin ósim quny 2 teńgeni quraityny aitylǵan.
